28 Nëntor 2021

Beqaj kërkon ndryshimin e disa ligjeve në sferën ekonomike

Prishtinë, 2 mars –Kryetari i Kuvendit të Republikës së Kosovës dr. Jakup Krasniqi, e ka pritur kryetarin e Odes Ekonomike të Kosovës, Besim Beqaj , i cili shoqërohej nga një grup biznesmenësh kosovarë dhe ka biseduar me ta lidhur me problemet dhe sfidat me te cilat po ballafaqohet komuniteti i biznesit në Kosovë dhe jashtë vendit.

Kryetari i OEK-ut, Beqaj, e ka njoftuar kryeparlametarin Krasniqi për ecuritë ekonomike në vend. Ai ka ngritur shqetësimin e tij dhe të komunitetit të biznesit, për rritën e pamjaftueshme ekonomike, të shënuar në vend, si dhe për shtimin e papunësisë. Ai ka theksuar se gjendjen në lëmin e ekonomisë në Kosovë e vështirëson vonimi i nënshkrimit të marrëveshjeve të bashkëpunimit ekonomik dhe të lëmit të shërbimeve me vende të ndryshme.

Në funksion të përmirësimit të situatës ekonomike në vend, Beqaj ka përmendur nevojën e ndryshimeve të një varg ligjesh, të cilat e rregullojnë sferën ekonomike të vendit. Në këtë vështrim ai ka kërkuar pjesëmarrjen e ekspertëve të Odës Ekonomike të Kosovës në punën e komisioneve parlamentare, kur shqyrtohen projektligjet që e rregullojnë jetën ekonomike në Kosovë, ose reflektojnë pozitivisht për bizneset e huaja në vendin tonë, të cilat punësojnë qytetarët dhe gjenerojnë të ardhura.

Kryeparlamentari Krasniqi ka shfaqur mirëkuptim për shqetësimet e kryetarit të OEK-ut dhe të përfaqësuesve të biznesit, duke shprehur njëherësh gatishmërinë e Kuvendit të Kosovës për të bashkëpunuar në interes të përparimit ekonomik dhe shoqëror të vendit. “Mbetet obligim i Odës Ekonomike të Kosovës të piketojë të gjitha ligjet e sferës ekonomike të miratuara më parë që ka nevojë të plotësohen apo ndryshohen, si dhe të japë propozimet më të qëndrueshme për t’i bërë sa më sa më funksionale ligjet ekonomike të vendit”, ka theksuar Krasniqi.

Kryetari i OEK-ut dhe përfaqësuesit e biznesit, pjesëmarrës në këtë takim, duke e falënderuar kryeparlamentarin për pritjen, janë treguar të gatshëm për bashkëpunim dhe kanë ofruar gjithë përvojat dhe kapacitetet e tyre profesionale, për të gjetur rrugë që çojnë në një zhvillim më të përshpejtuar ekonomik të Kosovës.
 

Kalendari

Ngjarjet e datës 28 Nëntor 2021

- Për nder të Ditës së Flamurit, Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule te varrezat e dëshmorëve në Kompleksin Memorial "Adem Jashari". (Prekaz, ora 9:00)

- Komuna e Skenderajt bën nderime tek shtatorja e Komandantit Legjendar Adem Jashari. (Skenderaj, ora 9:00)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës organizon ngritjen e flamurit kombëtar te Kompleksi memorial në Gradish. (Gradish, ora 9:00 - Kompleksi përkujtimor “Maja e Shkodranit”, ora 9:40 - Kulla e Heronjve në Opterushë, ora 10:20)

- Me rastin e Festave të Nëntorit, një grup i të rinjve dhe ish-pjesëtarë të Ushtrisë Çlirimtare të Kosovës do të vendosin një Flamur me imazhet e udhëheqësve të luftës së UCK-së të cilët po mbahen në Hagë. (Rruga "Fehmi Lladrovci", tek rrethi afër hyrjes kryesore të QKUK-së, ora 9:00)

- Komuna e Skenderajt homazhe tek Kompleksi Memorali Adem Jashari. (Prekaz, ora 9:15)

- Me rastin e Festave të Nëntorit Komuna e Skenderajt organiyon maratonën Vrapimi i Nëntorit. (Kompleksi Memorial Adem Jashari në Prekaz, ora 9:30)

- Për nder të Ditës së Flamurit, Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule të Shtatorja e Ismail Qemalit. (Prishtinë, ora 10:00)

- Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule të shtatorja e Zahir Pajazitit. (Prishtinë, ora 10:20)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës bën homazhe  te varrezat e Dëshmorëve. (Rahovec, ora 10:40)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës organizojnë programin festiv për nder të 28 Nëntorit. (Shkolla e muzikës “Vihuela” në Rahovec, ora 11:00)

- Komuna e Gjilanit organizon homazhe te varrezat e dëshmorëve. (Kompleksi i varrezave të dëshmorëve në Gjilan, ora 11:00)

- Komuna e Gjilanit organizon inagurimin e projektit të galerisë së qytetit. (Gjilan, ora 11:30)

- Partia Socialdemokrate do të mbaj aktivitet pranë Teatrit Kombëtar. (Sheshi "Skënderbeu", ora 13:00)

- Komuna e Gjilanit organizon inagurimin e projektit të tregut dhe parkut në Zheger. (Fshati Zhegër, ora 13:00)

- Nën patronatin e kryetarit të komunës z. Smajl Latifi në bashkëpunim me shoqatat e dala nga lufta e UÇK-së organizon turnir në futboll të vogël. (Palestra Sportive “Mizahir Isma”në Rahovec, ora 12:00)

- Komuna e Skenderajt organizon natën finalen e festivalit tradicional Rapsodia Shqiptare. (Qendra e Kulturës Hasan Prishtina, ora 16:00)

- Komuna e Gjilanit organizon koncert festiv nga ansambli i këngëve dhe valleve për nder të Ditës së Flamurit . (Teatri i qytetit të Gjilanit, ora 17:00)