08 Shkurt 2023

BE-ja ndihmon studentët e drejtësisë në Mitrovicë

Prishtinë, 24 mars  -Më 22-23 mars 2010, u mbajt një seminar dyditor në Fakultetin Juridik në Universitetin në Mitrovicë si pjesë e projektit për arsimim i financuar nga BE-ja, Inter-kulturalizmi dhe procesi i Bolonjës, i realizuar nga Këshilli i Evropës.

Gjatë seminarit u trajnuan më shumë se 30 studentë të drejtësisë se si ta vënë në praktikë njohurinë e tyre për sundimin e ligjit dhe arsimimin për qytetarinë demokratike.

Studentët e drejtësisë do të përkrahen që të shkëmbejnë njohurinë e tyre me studentë në shkollat e mesme lokale në rajonin e Mitrovicës dhe t’i informojë të rinjtë lidhur me çështjet për sundimin e ligjit.

Ky projekt është pjesë e përpjekjes për ta modernizuar procesin e mësimdhënies në Universitetin në Mitrovicë. Janë paraparë edhe dy seminare të tjera më vonë gjatë vitit ku studentët do të bëjnë punë vullnetare në shkollat lokale.

Do të mbahet një konferencë përfundimtare vlerësuese në Gjykatën Evropiane për të Drejtat e Njeriut në Strasburg ku studentët do të paraqesin punën dhe përvojat e tyre.
 

Kalendari

Ngjarjet e datës 8 shkurt 2023

- Komisioni për Ekonomi, Industri, Ndërmarrësi dhe Tregti, shqyrton Projektligjin për Sigurinë e përgjithshme të produkteve. (Kuvendi i Kosovës, salla N506, ora 10:00)
    
- Përfaqësuesit e Agjencisë Kosovare të Privatizimit, raportojnë në Komisionin për Buxhet, Punë dhe Transfere, lidhur me Raportin e Auditimit për të “Hyrat nga Qiraja e Agjencisë Kosovare të Privatizimit”. (Kuvendi i Kosovës, salla C203, ora 10:00)
    
- Koalicioni i OJQ–ve për Mbrojtjen e Fëmijëve në Kosovë mban tryezë diskutimi me temën: “Ligji për Mbrojtjen e Fëmijës – progresi në zbatimin e tij”. (Hotel Sirius, ora 10:00)    

- Kuvendi i Republikës së Kosovës vazhdon seancën plenare me pikat e pa përfunduar. (Kuvendi i Kosovës, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)
    
- Organizata paditëse GLPS dhe një qytetare e Republikës së Kosovës do të paraqesin Padi për konflikt administrativ për refuzimin e kompensimit për personin paraplegjik dhe tetraplegjik. (Pallati i Drejtësisë, Ndërtesa A, ora 14:00)

- Federata e Futbollit e Kosovës mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme. (Kati i parë në Albi Mall, ora 18:00)

- Fondi për të Drejtën Humanitare Kosovë (FDHK) organizon hapjen e ekspozitës së përkohshme të veprës “Albumi familjar – Mes kujtimit dhe realitetit” (Family Album – Between Recollection and Reality) nga Alban Muja, e cila do të pasohet me një bisedë me artistin. (Vendi: Qendra e Dokumentimit, Biblioteka “Hivzi Sylejmani”, Dardani, ora 19:00)