27 Korrik 2021

BB dhe FMN formojnë grup këshillimor për rimëkëmbjen e qëndrueshme

Washington, 16 qershor - Banka Botërore (BB) dhe Fondi Monetar Ndërkombëtar (FMN) kanë formuar një grup të nivelit të lartë këshillues për rritjen e qëndrueshme dhe gjithëpërfshirëse, me synimin për të mundësuar një rimëkëmbje të fortë dhe për të vendosur një rrugë për zhvillimin e gjelbër, elastik dhe gjithëpërfshirës gjatë dekadës së ardhshme.

Sipas një deklarate të FMN-së, grupi këshillues i përbërë nga ekspertë nga institucionet kërkimore, sektori privat dhe qeveritë do të punojë në sfida të shumta të ndërlidhura me të cilat përballet bota, veçanërisht në përkeqësimin e varfërisë dhe pabarazisë.

Grupi i ri këshillues do të punojë në përcaktimin e agjendës për një transformim të qëndrueshëm bazuar në perspektivat dhe modelet e reja të rritjes dhe zhvillimit.

"Të varfrit dhe më të rrezikuarit janë goditur më rëndë nga COVID-19, si dhe ndryshimet klimatike dhe sfidat e tjera. Unë shpresoj që ky Grup i Këshillimit i Nivelit të Lartë të ofrojë ide të reja për veprim me ndikim si në nivel vendi ashtu edhe globalisht", tha Presidenti i Grupit të Bankës Botërore, David Malpass.

Kristalina Georgieva, drejtoresha menaxhuese e FMN-së, shtoi se "përmes analizës së politikave dhe propozimeve praktike, Grupi Këshillues i Nivelit të Lartë do të luajë një rol kryesor në këtë përpjekje dhe unë pres këtë bashkëpunim të rëndësishëm".

Grupi këshillues së pari do të informojë mbi proceset dhe takimet që do të zhvillohen në vitin 2021 deri në Samitin e G20 në Romë (tetor) dhe COP26 në Glasgow (nëntor).

Kalendari

Ngjarjet e datës 27 Korrik 2021

- Komisioni për Buxhet, Punë dhe Transfere shqyrton Raportin me amendamente për Projektligjin për ndryshimin dhe plotësimin e Ligjit mbi ndarjet buxhetore për Buxhetin e Republikës së Kosovës për vitin 2021. (Ndërtesa e Kuvendit, salla C203, ora 9:45)

- Policia e Republikës së Kosovës organizon ceremoninë e zbulimit të pllakës përkujtimore të zyrtarëve policorë, e cila iu dedikohet zyrtarëve policorë të rënë në kryerje të detyrës “Heronjve të Kosovës”. (Hapësira e jashtme para objektit të Drejtorisë së Përgjithshme të Policisë, ora 10:00)  

- Drejtori i Agjencisë së Kosovës për Inteligjencë, Petrit Ajeti raporton para Komisionit për Mbikëqyrjen e Agjencisë së Kosovës për Inteligjencë (Ndërtesa e Kuvendit, salla N302, ora 10:00)  

- Instituti për Politika Zhvillimore mban konferencën për medie lidhur me përmbylljen e projektit “Barometri i Rimëkëmbjes – për transparencë dhe llogaridhënie” dhe prezantimin e raportit përfundimtar të zbatimit të Ligjit për Rimëkëmbjen Ekonomike – Covid-19. (Hotel Sirius, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Mbikëqyrjen e Financave Publike lidhur me raportin e auditimit të performances “Transparenca dhe llogaridhënia në procesin e financimit të organizatave jo-qeveritare”. (Ndërtesa e Kuvendit, salla N506, ora 10:00)

- Komisioni për Shëndetësi dhe Mirëqenie Sociale takoht me kryetarët e Odave të profesionistëve shëndetësor për të diiskutuar për punën dhe sfidat e Odave të profesionistëve shëndetësor. (Ndërtesa e Kuvendit, salla N303, ora 10:00)

- Kryeshefit Ekzekutiv të Agjencisë së Kosovës për Forenzikë, Blerim Olluri raporton para Komisionit për Çështje të Sigurisë dhe Mbrojtjes. (Ndërtesa e Kuvendit, salla N204, ora 10:00)  

- Nën përkujdesin e drejtpëdrejt të Kryegjyshit Botëror Bektashian, Haxhi Dede Edmond Brahimaj, shënohet 231-të i themelimit të Teqesë Bektashiane të Gjakovës. (Teqa Bektashiane në Gjakovë, ora 11:00)

- Misioni i OSBE-së në Kosovë do ta prezantojë edicionin e pestë të Raportit vlerësues të të drejtave të komuniteteve. (Hotel Emerald, ora 11:00)

- Ministrja e Ministrisë së Industrisë, Ndërmarrësisë dhe Tregtisë, Rozeta Hajdari raporton para Komisioni për Ekonomi, Industri, Ndërmarrësi dhe Tregti lidhur me nivelin e zbatimit të ligjit për shoqëritë tregtare. (Ndërtesa e Kuvendit, salla N10, ora 11:00)  

- Organizohet hapja solemne e Dekra Akademie në Gjilan e cila ka hapur dyert e saj për infermierët e licencuar që duan të punojnë në Gjermani. (Tek Rruga e Gjinollëve, nr.83, Gjilan, ora 13:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë  shqyrton Projektligjin në parim për Mbeturinat nga industritë nxjerrëse të mineraleve, Projektligjin për Mbrojtjen e ajrit nga ndotja, etj. (Ndërtesa e Kuvendit, salla N302, ora 13:00)

- Komisioni për Administratë Publike, Pushtet Lokal, Media dhe Zhvillim Rajonal mban mbledhjen e radhës. (Ndërtesa e Kuvendit, salla 303, ora 14:00)

- Mbahet mbledhja e kryesisë së Kuvendit të Republikës s Kosovës. (Ndërtesa e Kuvendit, salla C301 ora 15:00)