02 Shkurt 2023

Bashkëpunim për fuqizimin e standardeve të konsulencës vendore

Prishtinë, 19 tetor – Grupit të parë prej 20 konsulentëve profesionalë në Kosovë të cilët morën pjesë në trajnimin intensiv për Këshilltarë të Certifikuar në Menaxhment (CMC), iu dhanë certifikata nga Trajkovski & Partners, kompani e certifikuar konsulence nga Maqedonia.

Trajnimi u inicua nga Programi për Shërbime Konsulence për Biznese (BAS) i EBRD-së në Kosovë, i financuar nga Qeveria e Holandës dhe është realizuar në bashkëpunim me Programin për Ndërmarrje Private në Kosovë (KPEP) të USAID-it.

Certifikimi me CMC paraqet një shenjë të standardeve të konsulencës së standardit më të lartë dhe tregon se konsulentë individualë i përmbushin standardet e kompetencës profesionale dhe të etikës. Trajnimi në CMC në Kosovë paraqet standardet e njohura ndërkombëtarisht në profesionin  këshillëdhënës. Programi i trajnimit u fokusua në dhënien e shkathtësive të nevojshme për të dizajnuar, menaxhuar dhe implementuar projekte të konsulencës me nivel të lartë profesional dhe etik, me metoda dhe shkathtësi për menaxhimin e kompanive të konsulencës.

Pos kësaj, USAID-i do të bashkëpunojë me komunitetin e konsulentëve profesionalë në Kosovë, në mënyrë që t’i udhëzojë për themelimin e një Instituti të Konsulentëve të Menaxhmentit (IMC) në kuadër të Këshillit ekzistues të Konsulentëve të Biznesit. Qëllimi është që të promovohet përdorimi i konsulentëve sipas standardeve ndërkombëtare.

“Trajnimi CMC do t’i pajisë konsulentët vendorë me njohurinë dhe ekspertizën për krijimin dhe ruajtjen e një shoqate të konsulencës profesionale. Shërbimet e konsulencës profesionale do të rezultojnë në investime të reja dhe shitje për kompanitë kosovare” tha Mark Wood, Drejtor i KPEP-it.

Certifikimi do të bëhet në bashkëpunim me Këshillin Ndërkombëtar të Institutit për Konsulencë në Menaxhment (ICMCI), që është një shoqatë globale e instituteve nacionale të konsulencës në menaxhment nga e gjithë bota.
 

Kalendari

Ngjarjet e datës 2 shkurt 2023

- Komisioni për Shëndetësi dhe Mirëqenie Sociale shqyrton draft-planin e punës për sesionin pranveror 2023. (Ndërtesa e Kuvendit, N303, ora 9:00)

Paneli i Gjykatës së Apelit bën shpalljen e aktgjykimit të apelit në çështjen Hysni Gucati dhe Nasim Haradinaj. (Hagë, ora 9:30)  

- Këshilli Gjyqësor i Kosovës (KGjK) mban mbledhjen e radhës. (Ndërtesa e KGjK-së, ora 10:00)  

- Kuvendi i Kosovës mban seancë plenare. (Kuvendi i Kosovës, ora 10:00)  

- Komisioni Qendror i Zgjedhjeve shënon Ditën Globale të Zgjedhjeve me temën “Pjesëmarrja në zgjedhje në Republikën e Kosovës dhe roli i institucioneve”. (Hotel Sirius, ora 10:00)  

-Ministri i Shëndetësisë, Arben Vitia, viziton Komunën e Ferizajt ku do të takohet me kryetarin Agim Aliu. (Ferizj, ora 10:30)

- Zëvendëskryeministrja e Republikës së Kosovës, Emilija Redžepi organizon tryezë të rrumbullakët me rastin e regjistrimit të ardhshëm të popullsisë së Kosovës. (Ndërtesa e Qeverisë, salla P38, ora 14:00)