05 Shkurt 2023

Banka Qendrore e Suedisë ngrit shkallën e interesit

Stokholm, 2 korrik - Banka Qendrore e Suedisë ngrit shkallën qendrore të  me 0,25 përqind në 0,5 përqind.

"Ekonomia suedeze po zhvillohet fuqishëm pas periudhës së thellë të rënjes. Për të përballuar inflacionin e caktuar prej 2 përqind dhe për të mbajtë një zhvillim stabil në ekonominë reale nevojitet tani një ngritje suksesive e shkallës së interesit", shkruan Banka Qendrore e Suedisë në njohtimin për shtyp.

"Njëkohësisht pritet që shkalla zhvillimore në botë të jetë më e ultë gjë që për një kohë më të gjatë s´do të ketë nevojë për ngritjen e kamatës aq shumë siç është vlerësuar më herët", thuhet më tutje në njohtimin për shtyp.

Në konferencën e sotme për shtyp, shefi i Bankës Qendrore të Suedisë Stefan Ingves theksoi se kamata e tashme është e ultë nga kamata normale dhe se ngritje tjera priten gjatë viteve të ardhshme.

Ndërkaq lajmin për ngritjen e kamatës kryesore e quajti "lajm i mirë veror".

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)