05 Shkurt 2023

Banka Botërore e gatshme të mbështesë MAP

Prishtinë, 12 prill - Ministrja e  Ministrisë së Administratës Publike, znj. Edita Tahiri ka pritur sot përfaqësuesin e Bankës Botërore në Kosovë, z. Ranjit Nayak me bashkëpunëtorë. Temë e këtij takimi ishte bashkëpunimi në mes MAP-së dhe Bankës Botërore dhe hapat në vazhdim drejt realizimit të synimeve për një administratë të reformuar, efikase dhe të paanshme.

Përfaqësuesi i Bankës Botërore ka përgëzuar znj. Edita Tahiri, për funksionin e saj të ri, duke e vlerësuar lart vizionin e saj për administratën publike dhe për të ardhmen e vendit. Gjithashtu z. Nayak ka prezantuar edhe kolegët e tij të tjerë nga BB-ja, të cilët do të jenë të gatshëm të ofrojnë mbështetje varësisht nga nevojat dhe kërkesat e ministrisë.

Ministrja Edita Tahiri ka shprehur kënaqësinë për mbështetjen dhe ka vlerësuar se bashkëpunimi me partnerët dhe me miqtë e Kosovës, siç është Banka Botërore, është faktor i rëndësishëm që do të jap rezultate.

“Filozofia e punës sime si ministre e administratës publike do të mbështetet në dy komponentë –qasjen reformatore, e cila përkon me përvojën  time të gjatë në politikë dhe  kërkesën e vazhdueshme për ndryshime, si dhe në formimin akademik në  shkollën Xhon Kenedi, ku kam magjistruar për Administratë Publike”, ka thënë në këtë takim ministrja e Tahiri.

Ajo ka theksuar prioritetet e MAP-së dhe ka kërkuar mbështetjen në përshpejtimin e Reformave në Administratën Publike, duke thënë se obligimet që dalin në rrugën drejt integrimeve evropiane, sjellin përfitim për qytetarët e Kosovës, sepse duke plotësuar ato standarde, përmirësohet cilësia e jetës në vend.  

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)