02 Shkurt 2023

ATK dhe Dogana serish në aksion, mbyllin 9 lojëra të fatit

Pejë, 12 shkurt - Administrata Tatimore e Kosovës, në bashkëpunim me Doganat e Kosovës, dhe me asistim të Policisë së Kosovës, gjatë ditës së premte, sot , kanë vazhduar aksionin e përbashkët në verifikimin e zhdoganimit të aparateve për lojë dhe mbylljen e subjekteve dhe njësive të pa licencuara që merren me aktivitete të Lojërave të Fatit në Komunën e Pejës.

Një aksion i tillë ka rezultuar me mbylljen e 9 (nëntë) pikave prej tyre:

§         4 subjekte të lojërave të fatit, dhe

§         5 njësi të vendosura nëpër lokacione të ndryshme.

Aktivitete të tilla të planifikuara dhe të koordinuara në mes ATK-së, DK-së dhe PK-së janë planifikuar të vazhdojnë edhe ditëve në vijim, duke mbuluar kështu gjithë territorin e Republikës së Kosovës.

Gjatë këtij viti pritet që të bëhen aktivitete tjera të përbashkëta bashkëpunimi me Institucionet kompetente, që merren me zbatim të ligjit, në mënyrë që sa më shumë të ndikojë në uljen e ekonomisë informale. ATK-ja, synon dhe ka për qëllim që të ofrojë shërbime profesionale, transparente dhe efektive për të gjithë tatimpaguesit dhe të sigurojë zbatim të drejtë dhe të njëllojshëm, si dhe fuqizimin e ligjeve tatimore, të mblidhen të hyra për buxhetin e Qeverisë në një mënyrë efikase dhe me kosto të ultë.
 

Kalendari

Ngjarjet e datës 2 shkurt 2023

- Komisioni për Shëndetësi dhe Mirëqenie Sociale shqyrton draft-planin e punës për sesionin pranveror 2023. (Ndërtesa e Kuvendit, N303, ora 9:00)

Paneli i Gjykatës së Apelit bën shpalljen e aktgjykimit të apelit në çështjen Hysni Gucati dhe Nasim Haradinaj. (Hagë, ora 9:30)  

- Këshilli Gjyqësor i Kosovës (KGjK) mban mbledhjen e radhës. (Ndërtesa e KGjK-së, ora 10:00)  

- Kuvendi i Kosovës mban seancë plenare. (Kuvendi i Kosovës, ora 10:00)  

- Komisioni Qendror i Zgjedhjeve shënon Ditën Globale të Zgjedhjeve me temën “Pjesëmarrja në zgjedhje në Republikën e Kosovës dhe roli i institucioneve”. (Hotel Sirius, ora 10:00)  

-Ministri i Shëndetësisë, Arben Vitia, viziton Komunën e Ferizajt ku do të takohet me kryetarin Agim Aliu. (Ferizj, ora 10:30)

- Zëvendëskryeministrja e Republikës së Kosovës, Emilija Redžepi organizon tryezë të rrumbullakët me rastin e regjistrimit të ardhshëm të popullsisë së Kosovës. (Ndërtesa e Qeverisë, salla P38, ora 14:00)