16 Maj 2022

Aleanca Kosova e Re mbështetë hetimet për korrupsion

Prishtinë, 16 maj - Aleanca Kosova e Re mbështetë hetimet për korrupsion në të gjitha institucionet e Kosovës dhe kërkon efektshëmri dhe rezultate konkrete, në mënyrë që të opinioni të mos mbahet peng i dyshimeve se ka apo nuk ka korrupsion në Kosovë.

Shefit të Grupit Parlamentar të AKR-së, Ibrahim Makolli ka deklaruar se AKR konsideron se institucionet e Kosovës duhet të vazhdojnë punën e tyre në përmbushjen e detyrimeve kushtetuese karshi qytetarëve, ndërkaq organet e drejtësisë duhet të punojnë të pa ndikuara në ndriçimin e secilit nga rastet e dyshuara për korrupsion.

Raportet e Auditorit Gjeneral që nga viti 2004 e deri sot, sipas Makollit në vazhdimësi kanë gjetur parregullsi dhe keqpërdorime të buxhetit të Kosovës. AKR kërkon nga organet e drejtësisë ti marrë në konsiderim këto dëshmi dhe të dal me verdikte lidhur me këto fakte.

"Zhvillimet e fundit që kanë të bëjnë me hetimet e EULEX duhet të shtrihen tek të gjitha Ministritë dhe Institucionet e tjera të dyshuara për korrupsion dhe keqpërdorime të vazhdueshme", ka thënë Makolli.

Ai me tutje ka thënë së AKR vlerëson se imazhi dhe kredibiliteti i Institucioneve Qeverisëse të Kosovës ka shënuar rënie të theksuar. Në rrethanat e krijuar, AKR, konsideron se zgjidhja e vetme për ti dhënë shtytje procesit të shtetndërtimit të Kosovës, janë zgjedhjet e parakohshme të cilat duhet të mbahen në fillim të vjeshtës. Kosova duhet të qeveriset nga një qeveri teknike, e cila duhet të përgatis vendin për zgjedhje të parakohshme. 
 
Lidhur me bisedimet e paralajmëruara me Serbinë, AKR konsideron se, përderisa Serbia nuk e njeh shtetin e Kosovës, është e nonsens të besohet se bisedimet do të jenë të karakterit teknik. Çdo nismë për të zgjidh probleme teknike, do të përfundoj në bisedime politike, për faktin se Serbia konteston ndërtimin e një relacioni të reciprocitetit shtetëror me Kosovën.

Nga ana e saj, Republika e Kosovës, sipas Makollit ka dhënë prova se është e gatshme të negociojë për çështje praktike por një vullnet ti tillë ka munguar nga ana e Serbisë, e cila e riaktualizon çdo herë çështjen e bisedimeve për të vënë sërish në pikëpyetje statusin e Kosovës. Rrjedhimisht AKR është kundër bisedimeve politike me Serbinë, por në të njëjtën kohë e gatshme që të bisedo për të gjitha çështjet praktike si dy shtete fqinjë.

"Nëse institucionet e Kosovës, pranojnë bisedime politike, kjo mund të çojë në ndryshimin e pakos së Ahtisarit, duke e prekur kështu edhe vet statusin e Kosovës. Prandaj AKR është kundër bisedimeve politke me Serbinë", ka theksuar Makolli. 
 
Duke u bazuar në paralajmërimet e autoriteteve serbe, se në fund të këtij muaji do të mbahen zgjedhjet lokale serbe në komunat në Veri të Kosovës, AKR shpreh qëndrimin e saj se mbajta e këtyre zgjedhjeve paraqet:

-          Shkelje të integritetit dhe sovranitetit të vendit,

-          Sfidon implementimin e të ashtuquajturës strategji për Veriun, (e cila as që ka fillu që të implementohet),

-          Inkurajon grupet ekstremiste serbe, në veçanti në veri të vendit se Kosova edhe më tutje është pjesë e Serbisë.-          

Kërkojmë nga Qeveria e Kosovë, që të përdorë të gjithë mekanizmat institucional demokratikë, për të ndaluar mbajtjen e këtyre zgjedhjeve dhe të mos mjaftohet vetëm me shpalljen e tyre të pavlefshme. 

Kalendari

Ngjarjet e datës 16 maj 2022

- Akademia Diplomatike e Ministrisë së Punëve të Jashtme dhe Diasporës, në bashkëpunim me Friedrich Ebert Stiftung, hapin nesër në Pejë edicionin e 8-të të Shkollës Diplomatike Verore. (Hotel Dukagjini në Pejë, ora 9:00)

- Kryetari i Kuvendit të Republikës së Kosovës, Glauk Konjufca, viziton familjen e veprimtarit Ukshin Hoti. (Krushë e Vogël, ora 9:50)

- Mbahet mbledhja e Qeverisë së Kosovës, e cila do të udhëhiqet nga Zëvendëskryeministri i Parë i Republikës së Kosovës për Integrim Evropian, Zhvillim dhe Dialog, Besnik Bislimi. (Ndërtesa e Qeverisë, ora 10:00‪)

- Konstituohet  Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës. (Ndërtesa e Kuvendit, salla N204, ora 10:00)

- ECIKS organizon ngjarjen përmbyllëse të programit Access - “Qasja në Treg dhe Shërbimet e Digjitalizimit për Bizneset Kosovare”, program ky i cili përgjatë katër viteve pati për qëllim të lehtësojë zhvillimin dhe transformimin digjital në sektorin privat dhe publik në Kosovë. (Hotel Emerald, ora 10:00)

- Në kuadër të Ditëve të Gjuhës Gjermane në Kosovë, Goethe Zentrum hap dyert për të gjithë të interesuarit për tu njoftuar me ofertart e tyre. (Goethe Zentrum në Prishtinë, ora 10:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me ekspertin e angazhuar nga UN Women lidhur me përfundimin e draftligjit për mbrojtje nga dhuna në familje dhe dhuna në baza gjinore. (Ndërtesa e Kuvendit, salla N302, ora 11:00)

- OJQ Aktiv ka kënaqësinë t'ju ftojë në promovimin e ueb faqes “Miqësia Serbo-Shqiptare”. (Qendra e Energjisë Qytetare në Mitrovicë, Mbreti Petri I, 183a, ora 11:00)

- Me rastin e 23-vjetorit të zhdukjes së profesorit, politologut dhe luftëtarit të paepur të çështjes kombëtare Mr. Ukshin Hoti, do të bëhet një vizitë në Shtëpinë Muze të Ukshin Hotit. (Fshati Krushë e Madhe, ora 11:00)

 - Mbahet mbledhja e Kryesisë së Kuvendit të Kosovës. (Ndërtesa e Kuvendit, salla C 301, ora 11:00)

- Mbahet ceremonia e hapjes zyrtare e edicionit te dytë të panairit Max fest. (Sheshi Zahir Pajaziti, ora 11:00)

-  Komisioni për Ekonomi, Industri, Ndërmarrësi dhe Tregti shqyrtion raportin me rekomandime për Projektligjin për turizmin dhe raportin vjetor të Komisionit të Pavarur për Miniera dhe Minerale. (Ndërtesa e Kuvendit, salla N10, ora 12:00)

- Kryetari i Komunës së Rahovecit Smajl Latifi organizon takime publike me qytetarë për kërkesat e tyre dhe ecurinë e projekteve në këto fshatra: Brestoc, Hoçë e Vogël. (Objektet e shkollave fillore të fshatit Brestoc dhe Hoçë e Vogël, ora 17:00)

- Në kuadër të Ditëve të Gjuhës Gjermane në Kosovë, shfaqet filmi "Sami, Joe und ich" nga Karin Heberlein si dhe mbahet diskutim me temë "Diaspora në Kinema: Promovimi i imazhit të Kosovës në vende gjermano folese. (Kinema Armata, ora 18:00)

- Kryetari i Komunës së Rahovecit Smajl Latifi organizon takime publike me qytetarë për kërkesat e tyre dhe ecurinë e projekteve në këto fshatra: Nagac dhe Celinë. (Objektet e shkollave fillore të fshatit Nagac dhe Celinë, ora 18:00)

- Shfaqet premiera e dokumentarit “Babai dhe Babai”. (Muzeu Etnologjik “Emin Gjiku” në Prishtinë, ora 20:00)

- Kryetari i Komunës së Rahovecit Smajl Latifi organizon takime publike me qytetarë për kërkesat e tyre dhe ecurinë e projekteve në këto fshatit Krushë e Madhe. (Shtëpia e Kulturës “Muhamet Malsori”, ora 20:00)