11 Gusht 2022

AKR kërkon nga EULEX-it veprime konkrete

Prishtinë, 2 korrik - Lidhur me raportet e auditorit të pavarur dhe komentet rreth tyre, Aleanca Kosova e Re (AKR) e konsideron deklaratën e ditës së djeshme të ministrit Famtir Limaj jo serioze dhe lojë me ndjenjat e qytetarëve të Republikës së Kosovës duke i marrë parasysh hetimet që janë kryer në ministrinë që ai drejton.

"Ne i qëndrojmë besnike deklaratës për dorëheqjen e Limaj që ditën kur kanë filluar hetimet. Konsiderojmë se tërheqja e tij nga posti do t’i lehtësonte hetimet dhe nuk do të paraqiste pengesë apo ndërhyrje në hetime, siç është rasti me deklaratat e fundit", ka deklaruar nenkryetarja e AKR-së, znj. Mimoza Kusari-Lila.

Lufta kundër korrupsionit në Kosovë sipas saj është kthyer në betejë politike në mes të institucioneve vendore dhe ndërkombëtare, e gjithë kjo në dëm dhe në huti të popullit të Kosovës.

Nga ana tjetër Kusari ka thënë së AKR kërkon nga Prokuroria e EULEX-it që të mos japin deklarata politike dhe afate arrestesh, por ta përmbyllë punën e vet pa politizime, ashtu siç i takon sistemit të drejtësisë.

Na vazhdimësi AKR ka prezantuar disa prej parregullsive më të rënda të evidentuara nga auditori i pavarur në komunat e Kosovës.

Kuasri ka theksuar se raporti i pavarur i auditorit të përgjithshëm të komunave të Kosovës, në përgjithësi ka treguar për një mori problemesh dhe ngecjesh të cilat janë evidente në këto komuna.
 
Aleanca Kosova e Re, është thellë e brengosur për këtë problem dhe vlerëson se keqmenaxhimet në nivelin lokal në Kosovë janë rrjedhojë e mungesës së kapacitetit profesional, normave të pazbatuara të etikës dhe shpeshherë shkelje dhe mosrespektim të ligjeve në fuqi.

Karakteristika te përbashkëta të raporteve të auditorit në Komunat: Gjakovë, Pejë, Deçan, Ferizaj, Klinë, Istog, Prishtinë, Prizren, Podujevë janë:

"Kur audituesi nuk është në gjendje të krijojë një opinion mbi pasqyrat financiare të marra në tërësi, për shkak të një pasigurie apo një kufizimi të qëllimit, kaq thelbësor sa një opinion i kualifikuar vetëm për disa aspekte do të ishte i papërshtatshëm, jepet një refuzim për të dhënë opinion. Formulimi i një refuzimi të tillë bën të qartë se nuk mund të jepet një opinion, duke specifikuar qartë dhe shkurt çështjet e pasigurta."
 

Kalendari

Ngjarjet e datës 12 gusht 2022

 - Kryeministri i Republikës së Kosovës, Albin Kurti, bashkë me ministrin e Financave, Punës dhe Transfereve, Hekuran Murati, vizitojnë Doganën e Kosovës. (Drejtoria e Doganës, ora 8:30)

- Kuvendi nëpërmjet Grupit të Deputetëve të Rinj shënon Ditën Ndërkombëtare të Rinisë. (Salla plenare, ora 10:00)

- Komuna e Rahovecit organizon takimet B2B në kuadër të aktiviteteve të Muajit të Mërgimtarëve. (Restaurant Ura e Shenjtë, ora 10:00)

- Nisma e të Rinjve për të Drejtat e Njeriut – Kosovë ((YIHR KS) shënon Ditën Ndërkombëtare të Rinisë me një aksion rrugor me slloganin “Kur bohet mirë?!” (Sheshi “Nënë Tereza”, ora 12:00)

- Avokati i familjes Dehari, Tomë Gashi, mban konferencë për medie në lidhje me rastin e vdekjes së aktivistit të VV-së, Astrit Dehari. (Zyrat e Tomë Gashit, mbi Kino ABC, ora 12:00)

- Qendra për Këshillim, Shërbime Sociale dhe Hulumtime organizon Festivalin e Rinisë për nder të Ditës së Rinisë. (Lagjja Taukbashqe, ora 18:00)

- Në kuadër të Akademisë Verore ‘’Arbën Xhaferi"  mbahet panel diskutimi me deputetët e rinjë të Kuvendit të Kosovës lidhur me rolin dhe rëndesin e të rinjëve në politikë. (Akademia për Siguri Publike të Kosovës, ora 19:30)