31 Janar 2023

AKP shpërndan 20 për qindëshin për 4 ndërmarrje

Prishtinë, 29 tetor - Bordi i Drejtorëve të Agjencisë Kosovare të Privatizimit (AKP), gjatë mbledhjes së radhës diskutoi një numër të çështjeve dhe mori vendime të rëndësishme për proceset nëpër të cilat po kalon AKP-ja.

Bazuar në strategjinë për përshpejtimin e ndarjes së 20 për qindëshit, të miratuar më parë nga ana e Bordit të AKP-së, në këtë mbledhje, Bordi i Drejtorëve miratoi listat e punëtorëve të shqyrtuar nga Komisioni përkatës për shpërndarjen e pjesshme të shumës së 20% punëtorëve të kualifikueshëm për katër ndërmarrje shoqërore: për Ndërmarrjen Shoqërore (NSH) Ferronikeli; për NSH Banesa - Prizren; për NSH Fabrika e Armaturës – Deçan dhe për NSH Sek-Kos (Sirkos) - Prishtinë.

Agjencia Kosovare e Privatizimit ka diskutuar dhe shqyrtuar gjendjen në ndërmarrjet e privatizuara me metodën spin-off special, dhe ka vendosur që t’i lirojë nga raportimi i mëtejmë në AKP ndërmarrjet në vijim: Ndërmarrjen e Re Kosovatex; Ndërmarrjen e Re Tullara dhe Ndërmarrjen e Re Fabrika e Bukës-Ferizaj. Bordi e mori këtë vendim pas konstatimeve të auditorëve se blerësit e këtyre ndërmarrjeve i kanë përmbushur zotimet në investime dhe në punësime.

Gjatë kësaj mbledhjeje, Bordi diskutoi për Ndërmarrjen Llamkos, dhe vendosi që për shitjen e Ndërmarrjes së Re Llamkos të aplikohet metoda e likuidimit vullnetar, e cila metodë do të siguronte rinisjen e prodhimtarisë në afat sa më të shpejt të mundshëm, kurse obligimet e Ndërmarrjes së Re nuk do të barten tek blerësi i ri, pasi që ato trajtohen gjatë procesit të likuidimit.

Bordi i Drejtorëve aprovoi shitjet e aseteve përmes metodës së likuidimit nr.4, si dhe aprovoi Valën e 47 të privatizimit, e cila përfshinë 14 Ndërmarrje Shoqërore, prej të cilave janë krijuar 20 Ndërmarrje të Reja.

Poashtu, Bordi aprovoi fillimin e procesit të likuidimit për 8 NSH.

Në këtë mbledhje, Bordi aprovoi Raportin Tremujor për Kuvendin e Kosovës për periudhën Korrik-Gusht-Shtator 2010, në bazë të nenit 20.1 të Ligjit nr. 03/L067 mbi themelimin e AKP-së.

Kjo është mbledhja e 27 me radhë e Bordit të Drejtorëve të AKP-së. 
AKP është themeluar nga Kuvendi i Republikës së Kosovës, si institucion i pavarur publik, duke pas parasysh se rindërtimi dhe zhvillimi ekonomik i Kosovës dhe mirëqenia e qytetarëve të saj është më rëndësi jetike dhe kërkon administrimin dhe privatizimin ose likuidimin me kohë të ndërmarrjeve në pronësi shoqërore.

Agjencia ka mandatin dhe autoritetin për shitjen ose bartjen e këtyre ndërmarrjeve dhe/ose aseteve në investitorë privatë, ose likuidimin e tyre, gjithnjë përmes një procesi të hapur, transparent, konkurrues dhe pa vonesa.

AKP deri më tani ka privatizuar 601 ndërmarrje të reja, prej të cilave 576 janë privatizuar përmes metodës së Spin Off-it të Rregullt, ndërsa 25 prej tyre janë privatizuar përmes metodës së Spin Off-it Special.

Nga privatizimi i ndërmarrjeve shoqërore deri më tani janë grumbulluar 460 milionë €uro, nga procesi i likuidimit me shitje të aseteve të ndërmarrjeve janë grumbulluar 27 milionë €uro, kurse nga fondi i privatizimit, punëtorëve të Ndërmarrjeve Shoqërore iu janë shpërndarë rreth 30 Milionë€.
 

Kalendari

Ngjarjet e datës 31 janar 2023

- Presidentja e Republikës së Kosovës, Vjosa Osmani Sadriu, kryeministri Albin Kurti dhe zëvendëskryeministrja Donika Gërvalla bëjnë homazhe te shtatorja e heroit Zahir Pajaziti, në 26 vjetorin e rënies së heronjve Zahir Pajaziti, Hakif Zejnullahu dhe Edmond Hoxha. (Sheshi “Zahir Pajaziti”, ora 9:00)

- Instituti Demokratik i Kosovës mban konferencën për media, ku do të publikohen rezultatet e Indeksit të Perceptimit te Korrupsionit për vitin 2022. (Zyrat e KDI-së, ora 9:00)

- Komisioni për Legjislacion shqyrton Projektligjin për Byronë Shtetërore për verifikimin dhe konfiskimin e pasurisë së pajustifikueshme. (Kuvendi i Kosovës, salla N302, ora 10:00)

- Komisioni për Çështje të Sigurisë dhe Mbrojtje shqyrton Projektligjin për mbrojtjen e informacionit të klasifikuar. (Kuvendi i Kosovës, salla N204, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N225, ora 10:00)

- Qendra Kosovare për Studime të Sigurisë (QKSS) publikon “Raportin për Vlerësimin Bazë të Dhunës në Baza Gjinore në Kosovë: Perceptimet e Komunitetit dhe Palëve të Interesit”. (Hotel “Sirius”, ora 10:00)

- Gazetarët afganë që kanë mbërritur sonte në Kosovë, Amina Omid, Ahmad Shaker, Nimatullah Gholami dhe Raifullah Nikzad mbajnë konferencë për media. (Zyret e Asociacionit të Gazetarëve të Kosovës, ora 10:30)

- Komisioni për Ekonomi, Industri, Ndërmarrësi dhe Tregti shqyrton planet e Përformances për vitin 2023, të agjencioneve/rregullatorëve të pavarur, që i raportojnë Komisionit (AKP, ARKEP, ZRRE). (Kuvendi i Kosovës, salla N10, ora 11:00)

- Komisioni për Mbikëqyrjen e Financave Publike shqyrton raportin e auditimit për performancën financiare dhe operative të ndërmarrjes “Trepça”. Të ftuar janë kryesuesi i Bordit, Bahri Hyseni, dhe kryeshefi Ekzekutiv, Enis Abdurrahmani. (Kuvendi i Kosovës, salla N303, ora 11:00)

- Përkrahës të Vetëvendosjes protestojnë kundër “imponimit” të Bashkësisë së Komunave Serbe. (Sheshi “Zahir Pajaziti”, ora 12:00)

- Komisioni për Administratë Publike, Pushtet Lokal, Media dhe Zhvillim Rajonal, shqyrton draft-planin e punës së Komisionit, për sesionin pranveror 2023. (Kuvendi i Kosovës, salla N303, ora 13:00)

- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Pyje. (Kuvendi i Kosovës, salla N302, ora 13:00)

- Fondacioni Jahjaga në bashkëpunim me Zyres Zvicerane për Bashkëpunim në Kosovë ka kënaqësinë të ju ftoj në ceremoninë e diplomimit të programit “Zhvillimi i njohurive mbi qeverisjen lokale". (Kino Armata, ora 14:00)

- Eris Jashari, ish-zyrtar policor në Policinë e Kosovës, i dorëhequr me 4 korrik 2017, tani koordinator në organizatën joqeveritare ktheju tokës tënde KTT, do të futet në grevë urie deri në realizimin e sigurimit shëndetësor dhe jetësor për policinë kërkesë kjo drejtuar Deputetëve të Kuvendit të Kosovës. (Sheshi “Adem Jashari”, te hyrja e pasme e Kuvendit kah rruga UÇK, ora 14:00