16 Gusht 2022

AKK, 186 zyrtarë të lartë nuk e kanë deklaruar pasurinë

Prishtinë, 14 prill - Agjencia kosovare kundër korrupsionit njoftoi të mërkurën se nga 1.560 zyrtarë të lartë publik sa janë të obliguar ta deklarojnë pasurinë, 1.374 ose 88.07 % e tyre e kanë kryer këtë obligim, ndërkaq 186 ende nuk e kanë deklaruar pasurinë e tyre, obligim ky i paraparë me Ligjin për deklarimin, prejardhjen dhe kontrollin e pasurisë dhe dhuratave.

Sipas një njoftimi për media, AKK bëri të ditur se afati ligjor për deklarimin e pasurisë nga zyrtarët e lartë të institucioneve publike të Republikës së Kosovës i paraparë me Ligjin për deklarimin, prejardhjen dhe kontrollin e pasurisë dhe dhuratave ka përfunduar më 31 mars 2010.

AKK njoftoi se në mesin e zyrtarëve të lartë publik të cilët e kanë deklaruar pasurinë janë edhe udhëheqësit kryesorë të institucioneve të Republikës së Kosovës si: presidenti, kryetari i kuvendit, kryeministri, dy zv/kryeministrat.

Ndërkaq, prej ministrave, pasurinë e tyre e kanë deklaruar 16 nga 17 ministra sa e përbëjnë Qeverinë e Republikës së Kosovës.

Në njoftim thuhet se këtë obligim ligjor e kanë përmbushur edhe kryetari i Gjykatës Kushtetuese, kryetari i Gjykatës Supreme, kryeprokurori i Kosovës, Rektori i Universitetit të Prishtinës, udhëheqësit e Agjencive.

Ndërkaq, nga 37 komuna të Republikë së Kosovës, 25 kryetar të komunave e kanë deklaruar pasurinë, ndërsa po ashtu nga 29 ndërmarrje publike sa janë në vend, 25 udhëheqës të tyre e kanë deklaruar pasurinë.

Kalendari

Ngjarjet e datës 16 gusht 2022

- Ministria e Administrimit të Pushtetit Lokal organizon debatin publik për të prezantuar dhe diskutuar rreth draft Strategjisë Kombëtare dhe Planit të Veprimit për Menaxhimin dhe Kontrollin e Qenve me dhe pa Pronar 2022-2028. (Amfiteatri i Qeverisë në ish ndërtesen e Rilindjes, ora 9:00)

- Kryetari i Partisë Demokratike të Kosovës, Memli Krasniqi, do të takojë Presidentin e Republikës së Shqipërisë, Bajram Begaj. (Kuvendi i Kosovës, Salla N204, ora 9:00 - Mediat mund të marrin pamje në fillim të takimit)

- Komuna e Rahovecit organizon degjim publik me biznese dhe grupe te interesit për buxhetin e vitit 2023 dhe Kornizës Afatmesme Buxhetore për vitet 2024-2025. (Salla e Kuvendit Komunal, ora 11:00)