08 Shkurt 2023

AAK: Qeveria injoron mërgimtarët

Prishtinë, 7 prill - Drejtues të Aleancës për Ardhmërinë e Kosovës i kanë cilësuar si tepër të vonuara reagimet e Qeverisë së Kosovës ndaj ndërprerjes së pensioneve të kosovarëve nga shteti zviceran, duke thënë se ekzekutivi po tregohet i pa interesuar dhe indiferent ndaj mërgimtarëve.

Në një konferencë për media të mërkurën nënkryetari i AAK-së, Ahmet Isufi, ka thënë se Qeveria e Kosovës nuk ka ndërmarrë hapa konkretë në lidhje me shkëputjen e marrëveshjes për sigurimet pensionale dhe invalidor me Zvicrën, e cila ka hyrë në fuqi më 1 prill.

“Ky paralajmërim për një vit dhe absolutisht një reagim nga ana e Qeverisë sonë, Ministrisë së Jashtme dhe Ministrisë së Punës dhe Mirëqenies Sociale është treguesi më i mirë, se nuk po zgjohet nga gjumi kjo qeveri për të kuptuar se ka detyrim ndaj qytetarëve të vet. Po ashtu, e kemi ambasadën që funksionon atje dhe nuk bëhet një lidhje e mirë mes institucioneve tona dhe institucioneve zvicerane”, ka thënë Isufi.

Sipas tij, zgjidhja e vetme për të dalë nga gjendja në të cilën ndodhet vendi do të ishin zgjedhjet e parakohshme parlamentare.

Me vendimin e Zvicrës për heqjen e pensioneve nga 1 prilli i këtij viti do të preken mbi 170 mijë bashkatdhetarë që veprojnë dhe punojnë në Zvicër dhe familjarët e tyre që jetojnë në Kosovë. 

Kalendari

Ngjarjet e datës 8 shkurt 2023

- Komisioni për Ekonomi, Industri, Ndërmarrësi dhe Tregti, shqyrton Projektligjin për Sigurinë e përgjithshme të produkteve. (Kuvendi i Kosovës, salla N506, ora 10:00)
    
- Përfaqësuesit e Agjencisë Kosovare të Privatizimit, raportojnë në Komisionin për Buxhet, Punë dhe Transfere, lidhur me Raportin e Auditimit për të “Hyrat nga Qiraja e Agjencisë Kosovare të Privatizimit”. (Kuvendi i Kosovës, salla C203, ora 10:00)
    
- Koalicioni i OJQ–ve për Mbrojtjen e Fëmijëve në Kosovë mban tryezë diskutimi me temën: “Ligji për Mbrojtjen e Fëmijës – progresi në zbatimin e tij”. (Hotel Sirius, ora 10:00)    

- Kuvendi i Republikës së Kosovës vazhdon seancën plenare me pikat e pa përfunduar. (Kuvendi i Kosovës, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)
    
- Organizata paditëse GLPS dhe një qytetare e Republikës së Kosovës do të paraqesin Padi për konflikt administrativ për refuzimin e kompensimit për personin paraplegjik dhe tetraplegjik. (Pallati i Drejtësisë, Ndërtesa A, ora 14:00)

- Federata e Futbollit e Kosovës mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme. (Kati i parë në Albi Mall, ora 18:00)

- Fondi për të Drejtën Humanitare Kosovë (FDHK) organizon hapjen e ekspozitës së përkohshme të veprës “Albumi familjar – Mes kujtimit dhe realitetit” (Family Album – Between Recollection and Reality) nga Alban Muja, e cila do të pasohet me një bisedë me artistin. (Vendi: Qendra e Dokumentimit, Biblioteka “Hivzi Sylejmani”, Dardani, ora 19:00)