08 Maj 2021

Shënohet Dita Ndërkombëtare e Pyjeve

Prishtinë, 21 mars - Sot shënohet Dita Ndërkombëtare e Pyjeve, e cila u krijua me rezolutën e Asamblesë së Përgjithshme të Kombeve të Bashkuara në vitin 2012, për të përkujtuar dhe rritur ndërgjegjësimin për rëndësinë e pyjeve.

Dita Ndërkombëtare e Pyjeve shënohet nën moton "Ripyllëzimi - rruga e rimëkëmbjes dhe mirëqenies", duke theksuar rëndësinë e këtyre ekosistemeve shkatërrimi i të cilave rrezikon shëndetin e njeriut dhe shëndetin e planetit tonë.

Nga ajri që thithim e deri tek drunjët që përdorim, pyjet janë thelbësore për jetën tonë. Ato përfaqësojnë një habitat për më shumë se gjysmën e llojeve tokësore të botës, kurse globalisht më shumë se një miliard njerëz jetojnë në pyje dhe rreth tyre. Pas oqeanit, pyjet janë rezervati më I madh e karbonit.

Pavarësisht nga të gjitha shërbimet që ato na ofrojnë, ne po i shkatërrojmë pyjet me një shpejtësi alarmante. Ndikimet e faktorit njeri kanë shkaktuar tashmë humbjen e rreth 40% të pyjeve në botë dhe kërkesa globale për produkte nga druri pritet të trefishohet gjatë tre dekadave të ardhshme.

"Sipërfaqja pyjore në Kosovë është rreth 481 000 ha ose 44.7% e sipërfaqes totale. Sipas ligjit për pyjet, Pyjet e Kosovës janë resurse kombëtare, do të udhëhiqen në atë mënyrë që të ofrojnë rendimente me vlerë dhe në të njejtën kohë të ruhet biodiversiteti për të mirën e gjeneratave të tashme dhe të ardhshme. Mbrojtja e pyjeve të Kosovës, ende mbetet në nivel jo të duhur."

"Sipas disa hulumtimeve, niveli i shfrytëzimit të pyjeve dhe nevojave për dru zjarri është më e lartë se sa rritja vjetore e tyre. Në bazë të Inventarizimit të Pyjeve të Kosovës, rritja vjetore e pyjeve është rreth 1.5 milion m3, kurse prerja e lejuar është rreth 1.4 milion m3, ndërsa sipas disa hulumtimeve, shfrytëzimi i drurit për ngrohje arrinë në rreth 2 milion m3.''

''Kjo na paraqet një tejshfrytëzim të pyjeve nga mundësia e rritjes vjetore. Prerjet e kontrolluara dhe planifikuara nga institucionet përgjegjëse janë në nivel shumë të ulët krahasuar me kërkesat vjetore të popullatës. Mbi 80% e masës drusore konsiderohet se prehet në mënyrë jo të rregullt" tha Krenare Salihu nga WWF Adria

WWF Adria, si pjesë e programit të saj "Zona të Mbrojtura për Natyrën dhe Njerëzit", punon për procese vendimmarrëse dhe planifikime më transparente dhe të hapura në përdorimin e burimeve natyrore. Në pylltari, këto procese janë ende të mbyllura dhe të kufizuara kryesisht në një rreth të ngushtë të institucioneve dhe ndërmarrjeve publike. Pjesëmarrja e sektorëve të tjerë dhe publikut të gjerë është shumë e ulët.

"Sot, jemi në një situatë alarmante dhe të gjithë fokusi jonë duhet të kthehet tek mbrojtja e pyjeve dhe ndalimi I shkatërrimit të tokave pyjore sepse mbrojtja e natyrës është gjithashtu edhe mbrojtje e shëndetit tonë dhe fëmijeve tonë" shton Salihu.

Në vazhdimësi, për vite të tëra ndodhë shfrytëzim i pa planifikuar dhe prerje e pa kontrolluar e pyjeve, degradimi i tokave pyjore nga ndërtimet, gurëthyesit, zjarret etj.

Për shkak të këtyre degradimeve, pyjet po e humbin rolin e tyre dhe këto janë vetëm disa nga problemet e pyjeve në Kosovë.

 Zjarret pyjore, për momentin, janë shkatërruesit kryesorë të pyjeve ku brenda vitit digjen me qindra apo mijëra hektarë.

Për shkak të të gjitha këtyre degradimeve, pyjet po e humbin rolin e tyre shume funksional duke siguruar ushqim, ujë të pastër dhe ajër të pastër, rekreacion, materiale ndërtimi - me një fjalë, ekzistencë.
 

Kalendari

Ngjarjet e datës 7 Maj 2021

- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit takohet me mbrojtësit e viktimave. (Pallati i Drejtësisë, ora 9:30)

- Lëvizja FOL organizon tryezë diskutimi me ç’rast publikon raportin “Realizimi i Planit të Punës së KPK-së dhe PSh-së për vitin 2020”. (Hotel Sirius, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur dhe Peticione shqyrton Propozim-vendimit e Avokatit të Popullit lidhur me zgjedhjen e 5 zëvendësve të Avokatit të Popullit. (Ndërtesa e Kuvendit, salla N303, ora 10:00)
    
- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit viziton Qendrën për Mbrojtjen e Grave dhe Fëmijëve. (Strehimorja, Ulpianë, ora 10:45)
    
- KDI mban konferencë për medie ku do të shpalosën të gjeturat e hulumtimit mbi transparencën e komunave të Kosovës në prokurim publik, për vitin 2020. (Zyret e KDI-së, ora 11:00)
    
- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit takohet me Njësitin Kundër Dhunës në Familje-Policia e Kosovës. (Drejtoria e Përgjithshme e Policisë së Kosovës, ora 11:45)
    
- Ambasadori i BE-së në Kosovë, Tomas Szunyog, do ta ndajë çmimin “Evropiani i Vitit 2021”, i cili jepet për të gjashtën herë radhazi nga BE-ja. (Shtëpia e Evropës, ora 13:00)