18 Qershor 2021

Sejdiu kërkon ambient të shëndetshëm për qytetarët

Prishtinë, 22 prill - Presidenti i Republikës, dr. Fatmir Sejdiu mori pjesë sot në aktivitetet në shënim të 22 Prillit, Ditës Ndërkombëtare të Tokës.

I shoqëruar nga kryetari i Prishtinës, dr. Isa Mustafa, Presidenti Sejdiu vizitoi parkun në lagjen Dardania në Prishtinë. Presidenti Sejdiu, që ka marrë pjesë edhe në inaugurimin e këtij parku vitin e kaluar, lavdëroi institucionet lokale, pore dhe qytetarët që banojnë në afërsi për mirëmbajtjen e tij.

 

"Tash motmot e patëm inauguruar këtë park të rregulluar për bukuri. Tash po e shoh se qytetarët dhe organet përgjegjëse komunale e kanë mirëmbajtur për mrekulli", tha ai.

Në vijim, Presidenti ftoi institucionet dhe të gjithë qytetarët që të punojnë së bashku për të krijuar një ambient të shëndetshëm për qytetarët. "Institucionet qendrore janë të përkushtuara që të mbështesin autoritetet komunale për rritjen e hapësirave të gjelbëruara", tha Presidenti Sejdiu.

"Jemi të përkushtuar që të rregullojmë dhe të mirëmbajmë hapësirat e gjelbëruara dhe në të njëjtën kohë kërkojmë më shumë përgjegjësi nga qytetarët për mirëmbajtjen e këtyre hapësirave. Këtë vit, do të mbillen 250 mijë fidanë të rinj. Kemi ndarë 250 mijë euro për rregullimin e hapësirave në qytetin e Prishtinës", tha ndërkaq dr. Isa Mustafa, duke folur me këtë rast.

Për të shënuar simbolikisht Ditën e Planetit, si dhe për të kontribuuar në shtimin e gjelbërimit në këtë park, Presidenti Sejdiu dhe kryetari i komunës, z.Mustafa mbëltuan fidanë në hapësirën e parkut.

Kalendari

Ngjarjet e datës 18 Qershor 2021 - Kryetari i Komunës së Prizrenit, Mytaher Haskuka, së bashku me drejtorin e Drejtorisë së Urbanizmit dhe Planifikimit Hapësinor, Beni Kizolli do të vizitojnë banesat kolektive ku janë përfunduar punimet për renovimin e kulmeve, si dhe ku kanë filluar punimet për lyerjen e korridoreve. (Përballë Qendrës Sportive, ora 10:00)

- Anulohet -  Oda Ekonomike Amerikane në Kosovë mban tryeza e radhës bashkëbisedim me Ministren e Ekonomisë, Artanë Rizvanolli. (Zyrat e Odës Amerikane në Pejton, ora 10:00)

- Me rastin e Ditës Botërore të Refugjatëve, Ministri i Punëve të Brendshme, Xhelal Svecla, shefi i misionit të UNHCR, Erol Arduc, Drejtuesi i sektorit të bashkëpunimit nga Zyra e BE-së, Luigi Brusa, dhe Koordinatorja e OKB-së për Zhvillim, znj. Ulrika Richardsondo të zbulojn pllaken e përurimit të një pjese të sapo renovuar të Qendrës së Azilit, në Vranidoll të komunës së Prishtinës. (Qendra e Mbajtjes në Fshatin Vranidoll, ora 10:00)

- Kryetari i Komunës së Prizrenit, Mytaher Haskuka së bashku me nënkryetaren Memnuna Ajdini do të vizitojnë rajonin e Zhupës, ku do të shohin nga afër projektet e realizuara në këtë rajon. (Rajoni i Zhupës, ora 10:30)

- Kolegji Universum organizon një ligjeratë publike me Alain Le Roy - diplomat francez i cili ka qenë Zv. Sekretar i përgjithshëm i OKB-së, udhëheqës i gjitha operacioneve globale paqeruajtëse të OKB-së në botë, Ambasador i Francës dhe shumë poste tjera të rëndësishme. (Hapësirat e kolegjit Universum në kampusin e Lipjanit, ora 11:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton formimin e grupeve punuese për mbikëqyrjen e ligjeve. (Ndërtesa e Kuvendit, salla N204, ora 13:00)

- Mbahet mbledhja e Kryesisë së Kuvendit. (Ndërtesa e Kuvendit, salla C 301, ora 13:00)

- Klubi i Basketbollit Sigal Prishtina mban në konferencë për shtyp rreth më të rejave të klubit. (Pallati i Rinisë dhe Sporteve, ora 14:00)

- Prointegra organizon takim publik ''Kosova në lëvizje - Kontributi i diasporës''. (Online nëpërmjet ZOOM, ora 14:00)