09 Dhjetor 2021

MBPZHR, Po vijnë ditë të mira për perimtarinë

Prishtinë, 12 shkurt - Me Strategjinë Zhvillimore të Hortikulturën, Ministria e Bujqësisë, Pylltarisë dhe Zhvillimit Rural (MBPZHR) ka paraparë të ndërmarrë  një varg masash konkrete për  përmirësimin e gjendjes në  sektorin e perimtarisë, duke ofruar mundësi  për zgjatjen e periudhës së vjeljes.

MBPZHR parasheh që në vitet e ardhme të  ketë sipërfaqe shtesë për serra prej 170 ha, shumica e tyre,( 100 ha) duhet të kenë së paku teknologjinë e mesme. Rritja e prodhimtarisë në serra do të ndikojë drejtpërdrejt në zvogëlimin e shkallës së importit të perimeve.

Për   përkrahjen e fermerëve  janë paraparë     një varg masave konkrete, siç është sigurimi i përkrahjes financiare (30% investime në të gatshme) për serrat e reja të mesme, sigurimi i këshillave dhe trajnimit rreth prodhimit të fidanëve, modelet e kultivimit, zgjedhja e varieteteve, kontrolli mikro-klimatik, krasitja/rrallimi, plehërimi si dhe qasja në prodhimtarinë e integruar (PI).
 
Për perimet e prodhuara në fusha të hapura çështja kryesore është intensifikimi i prodhimit: më shumë prodhime mund të vilen nga një fushë e vogël.

Kërkesa vendore pritet të rritet më pak se për prodhimet tjera të hortikulturës, ndërsa pritet një rritje më thelbësore e eksportit pasi që çmimi i prodhimit ishte relativisht i ulët – sidomos për specat.

Masat e nevojshme përkrahëse do të jenë këshilla dhe trajnime mbi teknologjinë e prodhimit intensiv: zgjedhja e kultivarit, prodhimi i fidanëve, përgatitja e tokës,   metodat e plehërimi, përmirësimi në sistemet e ujitjes dhe themelimi i tregut të tokës.

 

Kalendari

Ngjarjet e datës 9 dhjetor 2021

- Shoqata e Bankave të Kosovës organizon hapjen e “Konventës Vjetore bankare të SHBK-së 2021”. (Swiss Diamond, ora 9:30)

- Lëvizja FOL organizon konferencë për media me ç’rast do të bëjë publikimin e gjetjeve nga hulumtimi “Perceptimet e sektorit privat rreth prokurimit publik”. (Zyrat e Lëvizjes FOL, ora 10:00)

- Universiteti i Prishtinës “Hasan Prishtina” dhe Kolegji IBC-M organizojnë tryezën e diskutimit për prezantimin e Raportit të Vlerësimit të Kartelës Matëse të Autonomisë Universitare. (Amfiteatri i Bibliotekës Qendrore Universitare, kampusi i UP-së, ora 10:00)

- Mbahet seanca e 2-të e rregullt të Kuvendit të Komunës së Mitrovicës në të cilën do të zgjedhet kryesuesi i Kuvendit të Komunës. (Salla e Kuvendit të Komunës, ora 10:00)

- Kryetari i Gjilanit, Lutfi Haziri i dorëzon detyrën kryetarit të ri, Alban Hyseni. (Zyra e Kryetarit, ora 11:00)

- Rrjeti Mesdhetar i Grave Ndërmjetësuese së bashku me OJQ-në She Solutions mban konferencën "Gratë në sektorin e sigurisë: ndërmjet sfidave dhe mundësive". (Zyra e BE për informim, ora 11:00)

- Instituti Demokratik i Kosovës / Transparency International Kosova organizojnë ekspozitën për fotografinë më të mirë kundër-korrupsion 2021, ku do të shpallen tre fituesit e kësaj gare. (Parku Arkeologjik ‘Lapidariumi’ përballë Muzeut Kombëtar të Kosovës, ora 11:00)

- OJQ AKTIV bën prezantimin e aplikacionit Aber online për celularë Android dhe iOS. (Hotel Ulpiana në Graçanicë, ora 11:00)

- Ministri i Mjedisit, Planifikimit Hapësinor dhe Infrastrukturës, Liburn Aliu mban konferencë për media. (Ndërtesa e Qeverisë, 11:30)

- Instituti D4D organizon tryezën diskutuese me temën “Fushata zgjedhore në llupë: A e kërcënojnë integritetin zgjedhor çrregullimet e informacionit?”. (Hotel Prishtina, ora 14:00)