02 Tetor 2022

MBPZhR-ja merr nën menaxhim platformën AgromarketKS

Prishtinë, 21 korrik - Ministri i Bujqësisë, Pylltarisë dhe Zhvillimit Rural, Faton Peci ka pritur sot në takim znj. Lendita Kastrati nga Dhoma Ekonomike e Grave të Kosovës – G7 e cila ka dorëzuar për menaxhim të mëtutjeshëm nga MBPZHR të Platformës Agromarket KS.

Platforma AgromarketKS është zhvilluar si zgjidhje dixhitale kundrejt rrethanave të krijuara nga pandemia Covid-19.

Ky treg dixhital ka për qëllim të lehtësojë blerjet online si dhe të bëjë ndërlidhjen mes konsumatorëve, fermerëve dhe përpunuesve të produkteve ushqimore.

Në mënyrë që të sigurohet qëndrueshmëria dhe funksionimi i kësaj platforme tejet të dobishme për prodhuesit dhe përpunuesit vendor, Agromarket KS i dorëzohet Ministrisë së Bujqësisë, Pylltarisë dhe Zhvillimit Rural për zhvillim dhe mirëmbajtje të mëtutjeshme.

Ky projekt u implementua nga Dhoma Ekonomike e Grave të Kosovës – G7 dhe kompania për konsulencë të biznesit Sigma BMC përmes projektit të MBPZHR-së me përkrahje të Zyrës së JICA për Ballkan, si mbështetje shtesë për fermerë dhe prodhues vendorë.

 

Kalendari

Ngjarjet e datës 1 tetor 2022 - Kryeministri Albin Kurti, bën homazhe te varri i profesorit Ejup Statovci. (Varrezat në Lagjen Arbëria, ora 9:00​)

- Bashkimi i Sindikatave te Parvarura te Kosovës mban konferencë të jashtëzakonshme për medie. (Qendra e Studentëve Salla “1 Tetori”, ora 14:00)