30 Nëntor 2021

MBPZHR dhe BB dakordohen për projektet strategjike për bujqësi

Prishtinë, 28 tetor - Ministri i Bujqësisë, Pylltarisë dhe Zhvillimit Rural Faton Peci, priti sot në takim Massimiliano Paolucci, përfaqësuesin e Bankës Botërore për Kosovë dhe Maqedoni të Veriut së bashku me ekipin e tij.

Gjatë takimit, Ministri Faton Peci e njoftoi Paolucci për ecurinë e proceseve brenda Ministrisë, për objektivat dhe këndvështrimin e tij karshi hartimit të politikave bujqësore në zhvillim të sektorit.

Nga ana tjetër i shprehu atij vullnetin e plotë për bashkëpunim me institucione e organizata ndërkombëtare, drejt krijimit të partneriteteve, të cilat prodhojnë politika të qëndrueshme zhvillimore.

Nga ana tjetër,  Paolucci e falënderoi Ministrin Faton Peci për bashkëpunim të ndërsjelltë me Bankën Botërore dhe projektet që kjo e fundit i implementon, duke e siguruar se përkrahja e këtij institucioni nuk do mungojë karshi projekteve me rëndësi të veçantë për avancimin e sektorit të bujqësisë dhe zhvillimit rural në Kosovë.

Ndërkaq, Ministri Peci dhe Paolucci u dakorduan për angazhimin e ndërsjelltë në projekte strategjike për bujqësi dhe zhvillim rural me qëllim të avancimit të këtij sektori përmes investimeve në sisteme të ujitjes, si dhe mbarëvajtjen e programeve, të cilat prioritet kanë zhvillimin e kapaciteteve të prodhuesve e përpunuesve vendorë.

 
-- 

Kalendari

Ngjarjet e datës 1 dhjetor 2021 - Misioni i Bashkimit Evropian për Sundimin e Ligjit në Kosovë (EULEX) dhe OJQ Të Drejtat e Grave organizojnë diskutimin për manipulimin mendor dhe keqtrajtimin psikologjik si elemente të dhunës në familje. (Hoteli Emerald, ora 9:45)
    
- Bëhet betimi i kryetarit të komunës së Deçanit, Bashkim Ramosaj dhe nënshkruhen deklaratat  solemne për marrjen e detyrës nga anëtarët e Kuvendit të komunës. (Salla e Kuvendit të komunës në Deçan, ora 10:00)

- Mbahet mbledhja inauguruese e Kuvendit të Komunës së Mitrovicës së Jugut. (Salla e Kuvendit të Komunës, ora 10:00)

- Mbahet mbledhja inauguruese e Kuvendit të Komunës së Malishevës, ku do të bëjnë betimin anëtarët e Kuvendit dhe Kryetari i Komunës së Malishevës, Ekrem Kastrati. (Salla e mbledhjeve të Kuvendit të Komunës së Malishevës, ora 10:00)
    
- Oda e Hotelerisë dhe Turizmit të Kosovës mban konferencë të jashtëzakonshme për shkak të mos aprovimit të kërkesave për lirim të masave. (Te ish-Rilindja, kompleksi III nr. 42, ora 12:00)
    
- Grupi Parlamentar i AAK-së, në Kuvendin e Kosovës mban tryezën me temën: Ngritja enorme e çmimeve dhe jostabiliteti ekononomik. (Salla N – 506, ora 13:00)
    
- Qendra për Këshillim, Shërbime Sociale, dhe Hulumtime (SIT), bën lansimin e platformës: Ofrimi i shërbimeve online dhe fizikisht për kryerësit e veprave të dhunës në familje dhe dhunës në baza gjinore. (Hotel “Prishtina”, Prishtinë, ora 14:00)

- Galeria 17 me mbështetjen nga Swiss Cooperation Office në Kosovë, Ministria e Kulturës, Rinisë dhe Sportit dhe Komuna e Prishtinës organizojnë ngjarjen Dinner party/ Make me coffee make me a sandwich, në kuadër të ekspozitës së kuruar nga Natalija Vujošević. (Galeria 17 rruga Henrik Bariç, nr.10, ora 18:00)

- Mbahet hapja zyrtare e edicionit të dytë të Festivalit “Art Without Limit International Film Festival”. (Kino Armata, ora 18:00)

- Asociacioni i Artistëve Vizual të Kosovës organizojnë hapjen e ekspozitës vjetore të anëtarëve të Asociacionit të artistëve vizual të Kosovës. (Galeria e Artëve të Kosovës, ora 19:00)