19 Qershor 2021

Kompanitë e Ujitjes i kërkojnë mbështetje Ministrisë se Bujqësisë

Prishtinë, 30 prill - Përfaqësues të Kompanisë Rajonale të Ujitjes  “Radoniqi-Dukagjini”, të prirë nga Jahja Kadria, kanë vizituar sot Ministrinë e Bujqësisë, Pylltarisë dhe Zhvillimit Rural ku janë pritur nga ministri  Blerand Stavileci.

Autoritetet kompetente të kësaj kompanie kanë thënë se sistemi i ujitjes, që përfshin territorin e tri komunave dukagjinase, është mjaft modern dhe, që në fazën e parë, në këtë sistem janë futur mbi 6000 hektarë tokë bujqësore dhe pritet që në fazën e dytë të ketë zgjerim të sipërfaqeve të futura nën sistemin e ujitjes edhe deri në 8600 hektarë. 

Mirëpo, për të pasur qëndrueshmëri financiare përfaqësuesit e kompanisë kanë kërkuar mbështetje direkte nga Ministria e Bujqësisë me dhënien e subvencioneve për ngastrat që janë nën sistem të ujitjes.

Këtë kërkesë për mbështetje ata e bazojnë në moskryerjen e obligimeve nga ana e borxhlinjve, të cilët janë mjaft neglizhentë në përmbushjen e obligimeve ndaj kompanisë.

Ministri Stavileci i ka inkurajuar përfaqësuesit e kompanisë  për të vazhduar tutje me angazhime për hartim të planeve me masa konkrete sipas modeleve nga rajoni . MBPZHR-në, po ashtu, e ka vizituar edhe përfaqësuesi i Kompanisë Rajonale “Drini i Bardhë” nga Peja.
 

Kalendari

Ngjarjet e datës 19 Qershor 2021 - Pishina e Gërmisë hap dyert për sezonin veror 2021. (Gërmia, Prishtinë, ora 10:00)    

- Qendra Kosovare për Rehabilitimin e të Mbijetuarve të Torturës (QKRMT) dhe forumZFD promovojnë librin “Përtej dhimbjes, drejt guximit: Rrëfime për traumën e dhunës seksuale në luftë”. (Biblioteka Kombëtare, ora 11:00)

- Komisioni Qendror i Zgjedhjeve mban mbledhjen e radhës në të cilen do të shqyrtojë dhe miratojë rekomandimit për caktimin lartësisë së Shpenzimeve të Fushatës për zgjedhjet lokale 2021. (Selia e KQZ-së, ora 11:00)

- Kryetari i LDK-së, Lumir Abdixhiku, bën homazhe te varri i veprimtares Nekibe Kelmendi, në 10 vjetorin e vdekjes. (Varri i Nekibe Kelmendi, ora 12:00)

- Komuna e Mitrovicës do të bejë përurimin e rrugës së asfaltuar në fshatin Kovaqicë të Shalës së Bajgores. (Fshati Kovaqicë, ora 14:00)