27 Korrik 2021

Gjilani nis implementimin e katër programeve në bujqësi

Gjilan, 17 qershor – Komuna e Gjilanit, përmes Drejtorisë së Bujqësisë, në bashkëpunim me organizatën Islamic Relief Kosova, me të cilën kryetari Lutfi Haziri ka nënshkruar memorandumin e bashkëpunimit, sot ka nisur implementimin i katër programeve në bujqësi.

Këto programe në tërësi kapin vlerën mbi 160 mijë euro, ku 65 për qind të investimit e mbulon organizata përmes fondeve të shtetit të Kanadës dhe Komuna e Gjilanit e cila mbulon pjesen tjetër prej 35 për qind.

Drejtori i organizatës Islamic Relief Kosova, Muhamed Sulejman, ka thënë se falë bashkëpunimit të jashtëzakonshëm me Komunën e Gjilanit dhe gatishmërisë së fermerëve, është duke u implementuar projekti për investim të drejtpërdrejt në sektorin e bujqësisë dhe përfitues janë në këto programe janë rreth 150 fermerë.

Ndërsa, drejtori i Bujqësisë në Gjilan, Ramiz Ramadani, theksoi se me angazhimin e përbashkët dhe me mbështetjen e organizatës Islamic Relief Kosova dhe shtetit Kanadez, sot është bërë i mundur investimi në lopë qumështore, pula dhe ushqim të tyre, për të vazhduar pastaj me dy programe të tjera në bazë të planifikimit.

“Sot janë shpërndarë 37 lopë qumështore, të racës simental, e cila njihet për produkte të qumështit dhe mishit, pastaj furnizimi i 50 familjeve me nga 30 pula, kotecë dhe nga 240 kilogramë ushqim për to. Programi i tretë është ai i serrave ku janë 40 familje përfituese dhe pajisja me serra në një sipërfaqe 100 metra katror dhe implementimi do të bëhet gjatë qershorit. Programi i katërt është hapja e puseve për ujitje dhe fokusi është vendosur fermerët që kultivojnë kultura të perimtarisë dhe pemëtarisë në ambient të hapur”, ka thënë në fjalën e tij drejtori Ramadani.

Ndërsa, menaxherja e programit për Kosovë në organizatën Islamic Relief, Albulena Gashi, ka thënë se suke shfrytëzuar të dhënat e Drejtorisë së Bujqësisë në Gjilan e cila ka ofruar statistika të përfitimit për të gjithë fermerët aplikantë,  është bërë seleksionimi në bazë të kritereve dhe fermerët përfitues janë më meritorët në këtë proces.

“Shpresojmë shumë që do të kemi edhe programe të tjera të kësaj natyre gjatë të ardhmes, sepse interes i përbashkët është zhvillimi i bujqësisë si potencial i zhvillimit të qëndrueshëm ekonomik. Ne si organizatë mund të japin kontributin tonë në bujqësi, në edukim, shëndetësi dhe fusha të tjera që e ndihmojnë Komunën e Gjilanit varësisht nga nevojat dhe planifikimin që ka”, ka thënë ajo mes tjerash.


 

Kalendari

Ngjarjet e datës 27 Korrik 2021

- Komisioni për Buxhet, Punë dhe Transfere shqyrton Raportin me amendamente për Projektligjin për ndryshimin dhe plotësimin e Ligjit mbi ndarjet buxhetore për Buxhetin e Republikës së Kosovës për vitin 2021. (Ndërtesa e Kuvendit, salla C203, ora 9:45)

- Policia e Republikës së Kosovës organizon ceremoninë e zbulimit të pllakës përkujtimore të zyrtarëve policorë, e cila iu dedikohet zyrtarëve policorë të rënë në kryerje të detyrës “Heronjve të Kosovës”. (Hapësira e jashtme para objektit të Drejtorisë së Përgjithshme të Policisë, ora 10:00)  

- Drejtori i Agjencisë së Kosovës për Inteligjencë, Petrit Ajeti raporton para Komisionit për Mbikëqyrjen e Agjencisë së Kosovës për Inteligjencë (Ndërtesa e Kuvendit, salla N302, ora 10:00)  

- Instituti për Politika Zhvillimore mban konferencën për medie lidhur me përmbylljen e projektit “Barometri i Rimëkëmbjes – për transparencë dhe llogaridhënie” dhe prezantimin e raportit përfundimtar të zbatimit të Ligjit për Rimëkëmbjen Ekonomike – Covid-19. (Hotel Sirius, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Mbikëqyrjen e Financave Publike lidhur me raportin e auditimit të performances “Transparenca dhe llogaridhënia në procesin e financimit të organizatave jo-qeveritare”. (Ndërtesa e Kuvendit, salla N506, ora 10:00)

- Komisioni për Shëndetësi dhe Mirëqenie Sociale takoht me kryetarët e Odave të profesionistëve shëndetësor për të diiskutuar për punën dhe sfidat e Odave të profesionistëve shëndetësor. (Ndërtesa e Kuvendit, salla N303, ora 10:00)

- Kryeshefit Ekzekutiv të Agjencisë së Kosovës për Forenzikë, Blerim Olluri raporton para Komisionit për Çështje të Sigurisë dhe Mbrojtjes. (Ndërtesa e Kuvendit, salla N204, ora 10:00)  

- Nën përkujdesin e drejtpëdrejt të Kryegjyshit Botëror Bektashian, Haxhi Dede Edmond Brahimaj, shënohet 231-të i themelimit të Teqesë Bektashiane të Gjakovës. (Teqa Bektashiane në Gjakovë, ora 11:00)

- Misioni i OSBE-së në Kosovë do ta prezantojë edicionin e pestë të Raportit vlerësues të të drejtave të komuniteteve. (Hotel Emerald, ora 11:00)

- Ministrja e Ministrisë së Industrisë, Ndërmarrësisë dhe Tregtisë, Rozeta Hajdari raporton para Komisioni për Ekonomi, Industri, Ndërmarrësi dhe Tregti lidhur me nivelin e zbatimit të ligjit për shoqëritë tregtare. (Ndërtesa e Kuvendit, salla N10, ora 11:00)  

- Organizohet hapja solemne e Dekra Akademie në Gjilan e cila ka hapur dyert e saj për infermierët e licencuar që duan të punojnë në Gjermani. (Tek Rruga e Gjinollëve, nr.83, Gjilan, ora 13:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë  shqyrton Projektligjin në parim për Mbeturinat nga industritë nxjerrëse të mineraleve, Projektligjin për Mbrojtjen e ajrit nga ndotja, etj. (Ndërtesa e Kuvendit, salla N302, ora 13:00)

- Komisioni për Administratë Publike, Pushtet Lokal, Media dhe Zhvillim Rajonal mban mbledhjen e radhës. (Ndërtesa e Kuvendit, salla 303, ora 14:00)

- Mbahet mbledhja e kryesisë së Kuvendit të Republikës s Kosovës. (Ndërtesa e Kuvendit, salla C301 ora 15:00)