09 Dhjetor 2021

Gjermania rritë mbeshtetjen për bujqësinë e Kosovës

Prishtinë, 10 shkurt - Ministri i Ministrisë së Bujqësisë, Pylltarisë dhe Zhvillimit Rural Idriz Vehapi me bashkëpunëtorët ka pritur  sot në një takim pune  Ambasadorin e  Republikës Federale të Gjermanisë   në Prishtinë Hans-Deiter Steinbach dhe Dr. Wendisch, Drejtor i Përgjithshëm në Ministrinë e Bujqësisë, Ushqimit dhe Mbrojtjes së Konsumatorit  të Republikës së Gjermanisë.  


Në takim është shprehur gatishmëri i madhe nga pala gjermane që të mbështetet sektori i bujqësisë në Kosovë, duke ofruar kështu një mundësi reale për të ofruar ndihma konkrete në sektorë të ndryshëm të bujqësisë, me theks të veçantë në zhvillimin  rural, në rritjen e kapaciteteve të ujitjes, në sferën e pylltarisë e në sfera të tjera bujqësore.


Ministri Idriz Vehapi me këtë rast ka paraqitur  projekt konkret për nëvojat që ka  Kosova, duke i shënjestruar prioritetet për bujqësinë   dhe avancimet që do të duhej shënuar në rrafshin e  përafrimit të Kosovës me  BE-në. 


Ministri Vehapi tutje ka përkujtuar edhe “Javën e Gjelbër” (Gruene Woche) në Berlin, ku është mbajtur  Samiti i Ministrave të Bujqësisë së mbarë botës, me ç’rast qe diskutuar edhe për bujqësinë dhe  propozim-konceptet e reja nga politikë-bërësit për zhvillimin e strategjive, si rezultat i Konferencës së Kombeve të Bashkuara për Klimën. 

Edhe këtë herë ministri Idriz Vehapi ka rikujtuar nevojën që ka Kosova për donatorë, siç është GTZ-ja gjermane, që të ndihmojë Kosovës për pjesëmarrje në  panairin ndërkombëtar për bujqësi“Java e Gjelbër”, që për çdo vit mbahet në Berlin. 

  Ambasadori gjerman në Prishtinë Hans-Deiter Steinbach   ka  shprehur gatishmërinë e Republikës së Gjermanisë për thellim të bashkëpunimit ndërshtetëror edhe në fushën e bujqësisë, duke vënë në përparësi projektet e ofruara, për të cilat, siç tha ai, shumë shpejt do të dilet me një përgjegje konkrete rreth arsyeshmërisë së tyre. 

Kalendari

Ngjarjet e datës 9 dhjetor 2021

- Shoqata e Bankave të Kosovës organizon hapjen e “Konventës Vjetore bankare të SHBK-së 2021”. (Swiss Diamond, ora 9:30)

- Lëvizja FOL organizon konferencë për media me ç’rast do të bëjë publikimin e gjetjeve nga hulumtimi “Perceptimet e sektorit privat rreth prokurimit publik”. (Zyrat e Lëvizjes FOL, ora 10:00)

- Universiteti i Prishtinës “Hasan Prishtina” dhe Kolegji IBC-M organizojnë tryezën e diskutimit për prezantimin e Raportit të Vlerësimit të Kartelës Matëse të Autonomisë Universitare. (Amfiteatri i Bibliotekës Qendrore Universitare, kampusi i UP-së, ora 10:00)

- Mbahet seanca e 2-të e rregullt të Kuvendit të Komunës së Mitrovicës në të cilën do të zgjedhet kryesuesi i Kuvendit të Komunës. (Salla e Kuvendit të Komunës, ora 10:00)

- Kryetari i Gjilanit, Lutfi Haziri i dorëzon detyrën kryetarit të ri, Alban Hyseni. (Zyra e Kryetarit, ora 11:00)

- Rrjeti Mesdhetar i Grave Ndërmjetësuese së bashku me OJQ-në She Solutions mban konferencën "Gratë në sektorin e sigurisë: ndërmjet sfidave dhe mundësive". (Zyra e BE për informim, ora 11:00)

- Instituti Demokratik i Kosovës / Transparency International Kosova organizojnë ekspozitën për fotografinë më të mirë kundër-korrupsion 2021, ku do të shpallen tre fituesit e kësaj gare. (Parku Arkeologjik ‘Lapidariumi’ përballë Muzeut Kombëtar të Kosovës, ora 11:00)

- OJQ AKTIV bën prezantimin e aplikacionit Aber online për celularë Android dhe iOS. (Hotel Ulpiana në Graçanicë, ora 11:00)

- Ministri i Mjedisit, Planifikimit Hapësinor dhe Infrastrukturës, Liburn Aliu mban konferencë për media. (Ndërtesa e Qeverisë, 11:30)

- Instituti D4D organizon tryezën diskutuese me temën “Fushata zgjedhore në llupë: A e kërcënojnë integritetin zgjedhor çrregullimet e informacionit?”. (Hotel Prishtina, ora 14:00)