Krushë e Madhe, 20 gusht - Festivali tradicional i perimekulturës në Krushë të Madhe, AgroFesta, në edicionin e shtatë vjen me shumë aktivitete perimtare, kulturore dhe rekreative.

AgroFesta tash e disa vite mbledh në Krushë të Madhe qytetarë të shumtë nga i gjithë vendi, të cilët vizitojnë Krushën e Madhe dhe shohin nga afër përkushtimin e madh të krushjanëve dhe punën e tyre në prodhim të perimekulturave dhe produkteve te tyre.

Eventi që ka për qëllim ruajtjen e traditave të lidhura me perimekulturën, bujqësinë, promovimi  i të gjithë potencialit prodhues, si dhe mundësi për promovimin e Krushës së Madhe në Kosovë dhe më tej.

Edicioni i VII-të, këtë vit vjen me një program të larmishëm, derisa është publikuar dhe promo zyrtare dhe emrat e artistëve pjesmarrës.

Në këtë vit, këngëtarët që zbresin në skenën e “AgroFESTA”, janë: rep-artisti i njohur BimBimma, Lluni, Semi dhe DJ 029.

Agrofesta organizohet në përkrahje të Komunës së Rahovecit.