10 Maj 2021

Fermerët llapjanë do të kenë mbështetje nga Ministria e Bujqësisë

Prishtinë, 19 prill - Ministri i Bujqësisë, Pylltarisë dhe Zhvillimit Rural, Besian Mustafa i shoqëruar nga ushtruesi i detyrës së Kryetarit të Komunës së Podujevës, Nexhmi Rudari ka vizituar sot, gjatë të mbjellave pranverore, kultivuesit dhe përpunuesit e perimeve dhe frutave, si dhe bletarët në këtë komunë ku është njoftuar nga afër me punën, sfidat dhe planet e tyre.

“Angazhimi im për të qenë sa më afër prodhuesve bujqësor do të vazhdojë në çdo komunë, me qëllim që të shoh nga afër punën që është duke u bërë në të gjithë sektorët e bujqësisë, e po ashtu për t’u njohur edhe me sfidat me të cilat përballen këta fermer."

"Bashkëpunimi do të jetë në vazhdimësi, për të ofruar përkrahjen tonë përmes masave të ndryshme për të gjithë prodhuesit vendor”, ka thënë Ministri Mustafa.

Ushtruesi i detyrës së Kryetarit të Komunës së Podujevës, Nexhmi Rudari e falënderoi Ministrin Mustafa për gatishmërinë dhe përkrahjen e sektorit të bujqësisë në këtë komunë, duke e njoftuar po ashtu edhe për projektet e tyre për zhvillimin e sektorit të bujqësisë.
 

Kalendari

Ngjarjet e datës 9 Maj 2021

- Familja Haliti nga Gjilani mban konferencë për medie lidhur me vdekjen e tre anëtarëve të saj në Shqipëri. (Rr. Hamdi Pogragja, Gjilan, ora 11:00)

- Koordinatori i Qendrës së Vaksinimit në Prishtinë, Niman Bardhi mban konferencë për medie. (Salla “1 Tetori”, ora 12:00)