28 Tetor 2021

BB shpreh gatishmëri për ta ndihmuar Ministrinë e Bujqësisë

Prishtinë, 5 mars - Delagacioni i Bankës Botërore i prirë nga Cora Shaw dhe Andrew Mitchel qëndruan sot për vizitë pune në Ministrinë e Bujqësisë, Pylltarisë dhe Zhvillimit Rural, ku janë  pritur nga ministri Idriz Vehapi me bashkëpunëtorët.

Idriz Vehapi, ministër i Ministrisë së Bujqësisë, Pylltarisë dhe  Zhvillimit Rural tha se  komponentat e juaja të paraqitura me kritere, për të qenë përfitues në projektet për bujqësi, përputhen plotësisht me Planin Strategjik të Zhvillimit Rural Bujqësor (2009-2013) dhe kjo është një bazë e mirë për të  bërë hartimin e projekteve me shkallë të prioriteteve, me qëllim të implementimin më të shpejt të tyre. Ai më pas ka shpalosur disa nga prioritetet kryesore të projekteve që janë paraparë të realizohen  gjatë periudhës vijuese, duke filluar nga shërbimet këshillimore e deri te industria e agropërpunimit.

Në vazhdim ministri Vehapi  delegacionin e Bankës Botërore e ka njohur edhe për  projektet kapitale, siç është  rehabilitimi i sistemit të ujitjes, konsolidimi i tokave bujqësore, përmirësimi dhe kontrolli i cilësisë së ushqimit etj.  Ai më pas ka folur edhe për aktivitete të tjera konkrete që MBPZHR po e bënë në mbështetje direkte të fermerëve me ndarjen e subvencioneve dhe granteve në gjithsej njëmbëdhjetë skema mbështetëse të fermerëve tanë. 

Cora Shaw pasi ka elaboruar në hollësi mundësitë e përfitimeve nga Banka Botërore për mbështetje konkretisht të projekteve  bujqësore në ata sektorë që vlerësohen me shkallë më të lartë të prioritetit, ajo më pas ka paraqitur edhe kushtet shumë të volitshme që Banka Botërore jep për bujqësinë kosovare, qoftë në formë grantesh apo me kredi.

Kreditë e Bankës Botërore për zhvillimin e bujqësisë janë shumë të  favorshme, sepse ato janë me një afat të kthimit prej 40 vjetësh, e me grejs periudhë  10 vjeçare dhe pa kamatë. Por, për investimet që BB do të bëjë në projektet e caktuara, nga shuma e përgjithshme e mjeteve të ndara për këto qëllime, 55% e mjeteve do te jepen ne formë të kredisë, me kushte siç u theksuan më lartë, kurse 45% e mjeteve tjera do të mbesin në formë grantesh, pa kthim.

Ministri Idriz Vehapi dhe përfaqësuesit e Bankës Botërore janë dakorduar që  në afat sa më të shkurtër të vazhdohet me punë konkrete në hartimin e projekteve që janë me prioritet më të madh, në mënyrë që të kryhen të gjitha procedurat   për t’i zënë afatet e parapara për aplikim në BB.
 

Kalendari

Ngjarjet e datës 28 Tetor 2021

- Fillon administrimi i vaksinës kundër gripit sezonal. (Salla 1 Tetori nga ora 08:00 deri në ora 19:00)

- Kryeministri Albin Kurti, bashkë me Ministrin e Financave, Punës dhe Transfereve, Hekuran Murati, mbajnë konferencë për media, në lidhje me operacionalizimin e masës 2.1-Subvencionimi i Kredive Investive - dhe masës 2.4 - Mbështetje e eksportit- të Pakos së Ringjalljes Ekonomike. (Ndërtesa e Qeverisë (Salla P38), ora 10:00)

- Komisioni për Mbikëqyrjen e Agjencisë së Kosovës për Inteligjencë diskuton rreth çështjeve vijuese nga fushëveprimi i Komisionit. (Ndërtesa e Kuvendit, salla N302, ora 10:00)

- Kryetari i Bashkësisë Islame të Kosovës, Myftiu Naim Tërnava do ta pres një delegacioni të lartë nga Mbretëria e Arabisë Saudite, i kryesuar nga Shkëlqesia e Tij, Dr. Abdul-Latif bin Abdul-Aziz Al Shejkh, Ministër i Çështjeve Fetare në Mbretërinë e Arabisë Saudite. (Selia e Kryesisë së BIK-ut, ora 10:00)

- Komisioni Qendror i Zgjedhjeve shpall rezultatet përfundimtare të raundit të parë të Zgjedhjeve për Kryetarë të Komunave. (Ndërtesa e KQZ-së, Kati 4, ora 10:00)

- Kolegji AAB organizon mbledhjen Komemorative me rastin e kalimit në amshim të Burbuqe Berisha. (Teatri AAB “Faruk Begolli” në Kolegjin AAB, ora 10:00)

- Komisioni Ad hoc për përzgjedhjen e kandidatëve për anëtar të Bordit të RTK-së shqyrton listën e kandidatëve të propozuar për anëtarë të Bordit të RTK-së. (Ndërtesa e Kuvendit, salla N10, ora 11:00)

- Komuna e Prishtinës inauguro Qendren e re e të Moshuarve në lagjen Ulpianë. (Rr. Imzot Nikë Prelaj, E30, Ulpianë mbrapa pompës Exfis, ora 11:00)

- Punëtorët e Ferronikelit protestojnë para Qeverisë së Kosovës. (Objekti i Qeverisë, ora 11:30)

- Mbahen homazhet për të ndjerën Burbuqe Berisha. (Përpara Teatrit Kombëtar, ora 12:00)

- Kryeministri Kurti dhe Ministri i Financave, Punës dhe Transfereve Hekuran Murati vizitojnë Administratën Tatimore të Kosovës. (ATK, kati I, ora 13:30)

- Hapet edicioni i 12 i Festivalit të Filmit të Shkurtër "Ballkani Përtej Kufijve. (Kino Armata)

 

- Kryetari i Komunës së Prizrenit, njëherësh kandidat për kryetar të Prizrenit nga Lëvizja Vetëvendosje!, prof. dr. Mytaher Haskuka, do të mbajë konferencë për media. (Zyret e Lëvizjes në Prizren, ora 16:00)