30 Janar 2023

Zelensky: Ushtarët e vrarë rusë braktisen në fushëbetej

Kiev, 28 mars - Lufta mes Ukrainës dhe Rusisë ka hyrë në muajin e dytë teksa palët duket se nuk kanë ndërmend të tërhiqen.

Së fundmi Presidenti ukrainas Volodymyr Zelensky, në një dalje mediatike ka kritikuar autoritetet ruse për trajtimin e ushtarëve të tyre të rënë në front.

Sipas Zelensky trupat e ushtarëve rusë të vdekur braktisen në fushëbetej ose i kthejnë në atdhe në “qese plehrash”.

Lajmin e ka konfirmuar dhe raportuar The Kyiv Independent.

"Është e frikshme. Kur mendon se kështu i trajtojnë njerëzit e tyre, imagjino si i trajtojnë të tjerët? Është barbare dhe do të përfundojë keq," shtoi ndër të tjera në një intervistë për mediat presidenti ukrainas Volodymyr Zelensky.

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)