26 Shtator 2022

Vetëm një botë e bashkuar, demokratike aktive do të ndalojë Putinin

Antalia, 12 mars - Në Forumin për Diplomaci në Antalia të Turqisë, Kryeministri i Republikës së Kosovës, Albin Kurti mori pjesë në panel diskutimi, si dhe zhvilloi disa takime bilaterale.

Ndryshimi politik ka nevojë për një lëvizje: një kauzë, një organizatë dhe një përpjekje, tha kryeministri Kurti në panelin e diskutimit me liderë, me temë “Përfaqësimi i ndryshimit”. Bashkë me Kryeministrin e Bullgarisë, Kiril Petkov, Presidentin e Guinea Bisaut, Umaro Sissoco Embaló dhe Sekretaren e Përgjithshme të Këshillit të Evropës, Marija Pejčinović Burić, në këtë panel u bisedua mbi rininë, drejtësinë dhe punësimin.

Për invazionin rus në Ukrainë dhe implikimet e sigurisë për të gjithë Evropën u bisedua në takimin ndërmjet kryeministrit Kurti dhe zëvendëskryeministrit të Letonisë, Artis Pabriks.

Kryeministri Kurti e falënderoi për kontributin e Letonisë në KFOR dhe mbështetjen për agjendën e integrimit të Kosovës në Bashkimin Evropian.

Ndërsa në takimet me Ministrin e Punëve të Jashtme të Austrisë, Alexander Schallenberg, Përfaqësuesin e Lartë për Bosnjë e Hercegovinë, Christian Schmidt dhe Zëvendëskryeministrin e Malit të Zi, Dritan Abazoviç, kryeministri Kurti theksoi se nuk duhet t'u dorëzohemi autokratëve askund, asnjëherë.

"Vetëm një botë e bashkuar, demokratike aktive do të ndalojë Putinin dhe do të parandalojë despotë të tjerë në të ardhmen", theksoi ai.

Në takimin me Përfaqësuesin Special të Bashkimit Evropian për Dialogun Kosovë-Serbi dhe çështje të tjera rajonale të Ballkanit Perëndimor, Miroslav Lajčák, kryeministri Kurti theksoi se sanksionet kundër Rusisë janë minimumi që mund të bëjmë.

Kryeministri kërkoi më shumë vëmendje për gjashtë shtetet e Ballkanit Perëndimor dhe që të mos injorohet lufta hibride në rajonin tonë.
 

Kalendari

Ngjarjet e datës 26 shtator 2022 - Nën përkujdesjen e Kryetarit të Komunës së Malishevës, Ekrem Kastrati do të mbahet mbledhje përkujtimore në 24 vjetorin e “Masakrës së Gollubovcit”. (Salla e mbledhjeve të KK të Malishevës, ora 10:00)

- Komiteti Olimpik i Kosovës në kuadër të Javës Evropiane të Sportit 2022, organizon konferencën “Forumi për Sportin”. (Hotel Emerald, ora 10:00)

- Agjencia për Informim dhe Privatësi, me rastin e Ditës Ndërkombëtare për Lirinë e Informimit, mban konferencë me Kryetarë të Komunave. (Hotel Emerald, ora 10:15)

- Këshilli i Prindërve i shkollës “Faik Konica” në Prishtinë do ta organizoj një protestë për të shprehur pakënaqësinë e prindërve dhe nxënësve ndaj mos fillimit të procesit mësimor. (Oborri i shkollës, ora 12:00)

- Në 24 vjetorin e “Masakrës së Gollubovcit” behë homazhe te varrezat e martirëve në Plloqicë. (Fshati Plloqicë, ora 12:00)

- Në Qendrën Mediale në Çagllavicë zhvillohet debati me temën “Jo do të thotë jo - dhuna seksuale dhe ngacmimi i grave”. (Qendra Mediale në Çagllavicë, ora 12:00)

- Mahet mbledhja e Kryesisë së Kuvendit të Repulikës së Kosovës. (Ndërtesa e Kuvendit, salla C 301, ora 11:00)

- Në prag të ndeshjes Kosova - Qipro mbahet konferenca për media e Kombëtares së Kosovës. (Stadiumi “Fadil Vokrri”, ora 17:00)

- Zhvillohet stërvitja zyrtare e Kombëtares së Kosovës. (Stadiumi “Fadil Vokrri”, ora 17:30)

- Mbahet konferenca për media e Qipros. (Stadiumi “Fadil Vokrri”, ora 18:30)

- Zhvillohet sStërvitja zyrtare e Qipros. (Stadiumi “Fadil Vokrri”, ora 19:00)