29 Mars 2024

Vajzat e Gjimnazit Natyror “Xhavit Ahmeti” kampione të Kosovës në basketboll

Gjilan, 20 mars - Në Komunën e Gjilanit janë mbajtur sot garat e nxënëseve të shkollave të mesme të Republikës së Kosovës, me një pjesëmarrje nga të gjitha Komunat e Kosovës dhe dhe kampion të Kosovës janë shpallur vajzat e Gjimnazit Natyror “Xhavit Ahmeti” nga Gjilani.

Në hapje të garës të pranishmit i ka përshëndetur nënkryetari i Komunës së Gjilanit, Arbër Ismajli, i cili ka uruar të gjithë sportistët, mësimdhënësit e edukatës fizike dhe shkollat pjesëmarrëse duke theksuar se sporti po dëshmohet vazhdimisht se është përfaqësuesi më i mirë i vendit në rajon dhe në botë.

“Sot jemi të nderuar që pikërisht në Gjilan organizohen garat e basketbollit të femrave. Është shumë i rëndësishëm përkushtimi për sportin dhe veçanërisht mbështetjen e femrave-nxënëseve që ato këtë rrugëtim të mos e ndalin në asnjë moment. Të rinjtë janë fuqia e vendit dhe kjo shihet nga përgatitja shumë e madhe që sot tregohet në palestrën e sporteve”, ka thënë nënkryetari, Ismajli në fjalën e tij.

Garat janë organizuar nga Shoqata e Pedagogëve të Sportit në kuadër të Sportit Shkollor dhe kanë marrë pjesë ekipet e shkollave nga qytete të ndryshme të Kosovës, të cilat kanë fituar në garat në rajonet e tyre.

Fillimisht nxënëset e Gjilanit ishin fituese ndaj rajonit të Ferizajt, më pas edhe ato nga Rajoni i Pejës, gjegjësisht ekipin nga shkolla e Istogut dhe në finale vajzat gjilanase mundën ekipin nga Gjakova me rezultat 40:14.

Rezultatet:

Gjimnazi “Kuvendi i Arbërit” Ferizaj – Gjimnazi Natyror “Xhavit Ahmeti” Gjilan  9:21

Shkolla e Mesme e Lartë “Haxhi Zeka” Istog – Gjimnazi Natyror “Xhavit Ahmeti” Gjilan 16:30

Shkolla e Mesme e Lartë “Hajdar Dushi” Gjakovë – Gjimnazi Natyror “Xhavit Ahmeti” Gjilan 14:40

Ekipi i vajzave që është udhëhequr nga kryetrajneri Selami Haziri kishte këtë përbërje:

Anesa Korça

Anilë Selamani

Ëmbla Rashiti

Zyhrije Pireva

Olta Zymberi

Viola Syla

Valma Hoxha

Malona Leka.

Medaljet ekipit fitues ua ndau Afrim Selimi, kryetar i Sportit Shkollor në Gjilan, kurse kupën ua ndau basketbollisti i mirënjohur kosovar Fikret Shatri.

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)