17 Shtator 2021

Skandali i diplomatit rus në Moldavi: Ndalohet teksa tentonte që jashtëligjshëm të nxjerr 62 mijë dollarë nga Moldavia

Moldova, 4 shkurt - Në Aeroportin e Kishinau në Moldavisë, policia kufitare moldave kishte ndaluar diplomatin rus, Kirill Abramov, i cili kishte tentuar që jashtëligjshëm nga Moldavia të nxirrte 62 mijë dollarë. Diplomatit rus dhe përkundër që kishte imunitet diplomatik ju ndalua udhëtimi dhe ky rast u cilësua si çështje penale.

Kirill Abramov, është i diplomuar në institutin Shtetërorë për Marrëdhënie Ndërkombëtare të Ministrisë së Jashtme Ruse (MGIMO) dhe në Ambasadën e Federatës Ruse në Moldavi kishte pozitën e atasheut.

Kirill Abramov gjatë punës së tij në Moldavi njihet si diplomat shumë aktiv, duke tentuar që të promovoj kulturën ruse dhe idetë e “Ruski Mir” (bota ruse). Abramov kishte marr pjesë në shumë ceremoni të organizuara nga Qendra Ruse për Kulturë dhe Shkencë në Kishinau dhe ishte i njohur për fjalimet e tija nacionaliste ruse.

Abramov kishte shumë takime me politikan bullgarë, posaçërisht me zyrtarë të Partisë Socialiste të Moldavisë, parti e cila është e njohur për qëndrimet pro-ruse. Vlen të ceken takimet e tija me ish Ministrin e mbrojtës të Moldavisë, Victor Gaiciuc, i cili njëherazi ishte edhe këshilltarë i ish presidentit të Moldavisë, Igor Dodon, gjithashtu i njohur për qëndrimet e tija pro-ruse.

Abramov gjatë tentimit për të nxjerr jashtëligjshëm 62 mijë dollarë nga territori i Moldavisë ishte së bashku me bashkëshorten e tij Aleksandra Abramova.

Bazuar në ligjet në fuqi në Moldavi, personi i cili lëshon territorin e Moldavisë lejohet që të ketë me vete mjete monetare në kundërvlerë të 10 mijë eurove, mbi ketë vlerë por jo më shumë se 50 mijë euro, duhet të ketë vërtetim dhe ti deklaroj në piken kufitare.

Pjesa dërmuese e diplomatëve rusë që punojnë në Ambasadat ruse janë pjesëtarë të kamufluar të shërbimeve inteligjente ruse, vlen të ceken ata që kanë pozitat e atasheut për siguri, mbrojtje, kulturë dhe ekonomi.

Bazuar në mënyrën se si funksionojnë spiunet rusë që kryejnë aktivitete spiunazhi nën petkun e diplomatit, mënyra se si paguajnë me para në dorë burimet e informacionit, mund të vijmë në përfundim që Kirill Abramov kishte tentuar që paratë që i kishte përvetësuar gjatë aktiviteteve të tija të spiunazhit të ketë tentuar që ti dërgonte në Rusi.

Kalendari

Ngjarjet e datës 17 Shtator 2021

- Kuvendi i Komunës së Prizrenit do të mbajë mbledhjen e jashtëzakonshme lidhur me përgatitjet për fillimin e vitit të ri shkollor. (Salla për mbledhjet e Kuvendit të Komunës, në Shtëpinë e Bardhë, ora 10:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues nga Iniciativa e Pavarur e të Verbërve të Kosovës. (Ndërtesa e Kuvendit, salla N303, ora 10:00)

- Presidentja e Republikës së Kosovës, Vjosa Osmani pret në takim të dërguarin e Bashkimit Evropian për dialogun, Miroslav Lajčák. (Kabineti i Presidentes, ora 10:10 - vetëm pamje në fillim të takimit)

- Komuna e Deçanit organizon promovimin e librit  “Krimet serbe në Kosovë” nga autori  Prof. Adem Lushaj. (Salla e Asamblesë Komunale në Deçan, ora 10:00)

- Nen përcjelljen e Forces së Sigurisë se Kosovës mbahet ceremonine e rivarrimit te dëshmorit Mehmetali Behluli. (Kompleksi i Varrezave te Dëshmoreve në Gjilan, ora 11:00)

- Federata e Sindikatave të Shëndetësisë së Kosovës proteston para ministrisë së Shëndetësisë, lidhur me nxjerrjen e udhëzimit administrativë për shtesat mbi pagë të bazuar në Ligjin për luftimin dhe parandalimin e pandemisë. (Para ministrisë së Shëndetësisë, ora 11:00)

- Ministrja e Ekonomisë, Artane Rizvanolli, mban konferencë për media lidhur me Marrëveshjen e bashkëpunimit me Maqedoninë e Veriut dhe zhvillimet në sektorin e energjisë. (Ndërtesa e Qeverisë, ora 11:30)

- Kryeministri i Republikës së Kosovës, Albin Kurti bashkë me ministren e Arsimit, Shkencës, Teknologjisë dhe Inovacionit, Arbërie Nagavci, mbajnë konferencë për media. (Ndërtesa e Qeverisë, Salla P-38, ora 13:00)

- Kryetari i Komunës së Prizrenit, Mytaher Haskuka do të merr pjesë në aktivitetin "Dita pa Makina" të organizuar nga Drejtoria e Shërbimeve Publike. (Sheshi i Dëshmorëve, ora 14:00)

- Lëvizjes Vetëvendosje! në Prizren.do të bëj prezantimin e kandidatëve për asamblistë. (Hapësirat e Lidhjes së Prizrenit, ora 18:00)