24 Shtator 2021

Shpërthen vullkani Merapi në Indonezi

Jacarta, 28 janar - Të paktën 52 shpërthime kanë ndodhur brenda 24 orësh në vullkanin Merapi në ishullin Java të Indonezisë.

Në një deklaratë nga Qendra e Kërkimit dhe Zhvillimit të Teknologjisë për Fatkeqësitë Gjeologjike, thuhet se masiviteti i llavës, hirit dhe tymit nga shpërthimet e ndodhura kanë zbritur deri në 3.000 metra nga shpati në drejtimin jugperëndimor të vullkanit.

Në deklaratë bëhet e ditur se në 24 orë në vullkan kanë ndodhur 52 shpërthime.

Ndërsa retë e hirit që kanë qenë efektive pas shpërthimeve kanë ndikuar negativisht disa fshatra në rajon.

Autoritetet kanë ndarë informacionin se rreth 200 persona në rajonin Sleman janë evakuuar në zona të sigurta dhe kanë paralajmëruar popullatën vendase që të vendosin maska dhe syze mbrojtëse kundër shiut të hirit.

Në anën tjetër bëhet e ditur se janë bërë paralajmërime që të mos zhvillohen aktivitete deri në 5 kilometra nga zona përreth vullkanit e cila është në nivelin e alarmit "portokalli" që nga 5 nëntori 2020 e deri më tani.

Në vitin 2010 të paktën 347 persona humbën jetën si pasojë e shpërthimit të vullkanit Merapi i cili ka një lartësi prej 2.968 metrash në ishullin Java.

Sistemi i alarmit vullkanik në Indonezi përbëhet nga katër faza: "jeshile", "e verdhë", "portokalli" dhe niveli më i lartë, "i kuq". 

Kalendari

Ngjarjet e datës 24 Shtator 2021 - Komisioni për Integrim Evropian shqyrton Programin Kombëtar për zbatimin e Marrëveshjes së Stabilizim- Asociimit 2021-2025, i ftuar Besnik Bislimi, zëvendëskryeministër i parë për Integrim Evropian, Zhvillim dhe Dialog. (Ndërtesa e Kuvendit, salla N204, ora 9:00)    

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione rishqyrton planin e punës për sesionin vjeshtor 2021. (Ndërtesa e Kuvendit, salla N302, ora 10:00)

- Kandidatit të PDK-së për komunën e Prizrenit, Shaqir Totaj viziton KF “Liria”  dhe me pas KF “Prizreni” . (Stadiumi i Prizrenit, ora 10:30)

- Kandidati për Kryetar të Prishtinës, Uran Ismaili do të mbaj sot konferencë për media. (Te Deponia Ilegale e mbeturinave, afër Tauk Bahçes, ora 14:00 - mediat i presim në udhëkryqin e Tauk Bahçes, te rruga e Bledit, nga ora 13:40)

- Kandidati për kryetar të Komunës së Malishevës, Ekrem Kastrati, sot mban takim elektorale me strukturat e rinisë së degës së Nismës në Malishevë. (Stadiumi “Liman Gegaj” në Malishevë, ora 14:00)

 - Kandidatit të PDK-së për komunën e Prizrenit, Shaqir Totaj bashkë me Kryetarin e PDK-së, Memli Krasniqi viziton Bashkësinë Islame në Prizren. (Prizren, ora 14:15)

 - Kandidatit të PDK-së për komunën e Prizrenit, Shaqir Totaj shpalos programit për arsim. (Qendra Europa, në Plato, ora 16:00)

- Mbahet dita e dytë e Kongresit të Parë Klinik i Kolegjit te Kirurgëve të Kosovës organizuar në bashkëpunim me Odën e Mjekëve të Kosovës. (Hotel Emerald, ora 17:00)