23 Shtator 2021

Shpenzimet ushtarake në botë arrijnë në 1.9 trilion dollarë

Gjenevë, 26 prill - Instituti Ndërkombëtar i Paqes (SIPRI) përmes një raporti të publikuar ka njoftuar se shpenzimet ushtarake në botë janë rritur për 2.6 për qind më 2020, në krahasim me një vit më parë.

Shpenzimet ushtarake kanë arritur në 1.9 trilion dollarë, ka thënë ky Institut, ndonëse disa shtete si Kili dhe Koreja Jugore, kanë rilokuar një pjesë të fondeve të ndara për ushtri, në menaxhim të pandemisë së koronavirusit.

Diego Lopes da Silva, një nga autorët e raportit, ka thënë se zhvillimet kanë qenë të papritura.

“Për shkak të pandemisë, mund të besohej se shpenzimet ushtarake do të binin”, ka thënë ai për agjencinë e lajmeve AFP.

“Mirëpo tani mund të themi me siguri se COVID-19 nuk ka pasur ndikim të madh në shpenzimet ushtarake, të paktën më 2020”, ka thënë ai.

Vendet që kanë shpenzuar më së shumti në këtë fushë më 2020 janë: Shtetet e Bashkuara, Kina, India, Rusia dhe Britania e Madhe.

Së bashku, ato janë përgjegjëse për 62 për qind të shpenzimeve globale ushtarake.

Në raport është thënë edhe se vendet anëtare të NATO-s kanë rritur buxhetet e tyre për ushtri në vitin 2020.

Si rezultat, 12 vende të NATOS-s kanë shpenzuar 2 për qind më shumë të bruto prodhimit të tyre të brendshëm në fushën e ushtrisë.

Këto shtetet tani janë në linjë me udhëzimet e aleancës për shpenzime.

Më 2019, vetëm nëntë vende anëtare kanë ndarë fonde siç është synuar.

Instituti me bazë në Suedi përpilon raportin duke u bazuar në informacion zyrtar të qeverisë sa u përket buxheteve për mbrojtje si dhe në burime dhe statistika tjera.

Kalendari

Ngjarjet e datës 23 Shtator 2021 - Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 10:00)

- Kandidati për Kryetar të Prishtinës, Uran Ismaili do të vizitoj Kompaninë Pastrimi në Prishtinë ku do të mbaj edhe një Konferencë për media në hapësirën e kësaj kompanie. (Kompania Pastrimi në Emshir pas stacionit të autobusëve, ora 11:30)

- Partia Socialdemokrate do të dorëzoj kallëzim penal në Prokurori. (Ndërtesa e Prokurorisë në lagjen Veternik, ora 13:00)

- Forumi i Gruas së Nismës Socialdemokrate në Malishevë mban takim elektoral, ku i pranishëm do të jetë kryetari Nismës, Fatmir Limaj dhe kandidati për kryetar të Komunës së Malishevës, Ekrem Kastrati. (Ambienti i jashtëm i shkollës fillore “Ibrahim Mazreku” në Malishevë, ora 14:00)

- Dhomat e Specializuara të Kosovës organizojnë informimin javore  në të cilin do  të  japin  një  informacion  të  përditësuar  mbi zhvillimet  e  fundit  lidhur  me  procedurat  gjyqësore  dhe  veprimtaritë  e  tjera  publike  të  gjykatës. (Online, ora 14:30)

- Forumi për Lidership dhe Diplomaci organizon ngjarjen lansuese të projektit: Promovimi i Zhvillimit Ekonomik Rajonal përmes Akademisë se Ndërmarrësisë. (Hotel Sirius, ora 16:00)

- Mbahet ceremonia e  hapjes së Kongresit te Parë Klinik të Kolegjit te Kirurgëve të Kosovës organizuar në bashkëpunim me Odën e Mjekëve të Kosovës. (Hotel Emerald, ora 17:00)