27 Shtator 2021

SHISH nis hetimet për imamin Kastriot Duka

Tiranë, 5 mars - Tre agjentë të Shërbimit Informativ Shtetëror kanë marrë në pyetje menjëherë pas deportimit nga Kosova, imamin e xhamisë së Marinës, Kastriot Duka, i cili është shpallur non grata nga autoritetet komunale në Skenderaj dhe nga Ministria e Brendshme në Prishtinë.

Menjëherë sapo ka kaluar pikëkalimin kufitar të Vermicës duke hyrë në territorin e Shqipërisë, imami Kastiot Duka është shoqëruar nga policia në zyrat e saj ku është marrë në pyetje rreth aktivitetit të tij nga oficerët e SHISH dhe Aniterrorit.
Nuk bëhen të ditura detaje rreth këtij hetimi, megjithatë agjentët e Shërbimit Sekret Shqiptar mësohet të jenë interesuar mbi burimet e financimit të veprimtarisë se pretenduar të bamirësisë nga imami Kastriot Duka. Ai është kthyer tani në Elbasan ku thotë se do të vazhdojë aktivitetin e tij.

Imamit i janë kërkuar sqarime edhe mbi aktivitetin e tij në Skenderaj të Kosovës, arësyen pse ishte vendosur me banim në këtë zonë, kontaktet dhe lidhjet që ka me organizma jashtë vendit dhe një sërë hetimesh të tjera rreth doktrinës në të cilën ai e bazon besimin dhe veprimtarinë e tij fetare.

Ndërkohë dje, autoritetet e policisë së Kosovës si dhe agjentë të forcave ndërkombëtare të sigurisë në Kosovë, kanë zhvilluar kontrolle në xhaminë e Marinës në Skenderaj si dhe kanë verifikuar vendbabimin e imamit për gjetjen e provave të dyshuara kompromentuese.

Në Kosovë imami Kastriot Duka është akuzuar për manipulime nga qëllimet e vërteta fetare me gratë dhe fëmijët në xhaminë e ngritur prej tij në Skenderaj. Imami i mohoi akuzat duke thënë se gjithçka që po ndodh është për shkak ë xhelozisë ndaj aktivitetit të tij të suksesshëm që ka marrë mbështetje në komunitet.

Ndersa autoritetet e Kosovës e kanë arrestuar, e më pas e kanë deportuar në Shqipëri Kastriot Dukën, imamin e vetëshpallur të Marinës së Skenderajt. “Elementet inkriminuese të vërtetuara edhe me paraqitjet publike të zotit Duka, flasin për një ndërrim të arsyes dhe qëllimit, për të cilin edhe i është dhënë lejeqëndrimi në territorin e Republikës së Kosovës”, thuhet në komunikatë, për të shtuar se “zoti Duka, së fundmi, me vendim të plotfuqishëm të gjykatës kompetente, ka qenë i shpallur fajtor për shkelje të legjislacionit në drejtim të qëndrimit të paligjshëm në Republikën e Kosovës”.
 

Kalendari

Ngjarjet e datës 27 Shtator 2021

- Kryeministri i Republikës së Kosovës, Albin Kurti pret me ceremoni shtetërore Kryeministrin e Republikës së Shqipërisë, Edi Rama, dhe anëtarë të kabinetit qeveritar të Shqipërisë. (Sheshi "Skënderbeu", ora 8:50 - Mediet të jenë të pranishme më së largu, ora 8:10)

- Me rastin e fillimit të vitit të ri shkollor 2021-22 kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në përurimin e rekuizitave të sallës së edukatës fizike në shkollën "Dëshmorët e Kabashit" në Korishë. (Korishë, ora 9:00)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në zbulimin e emrit të ri të shkollës "Lekë Dukagjini" në "Gani Saramati". (Objekti i shkollës, ora 9:30)

- Kryeministri i Republikës së Kosovës, Albin Kurti dhe Kryeministri i Republikës së Shqipërisë, Edi Rama, mbajnë konferencë për media në ora 10:20 - Mediat e akredituara duhet të jenë më së largu në ora 10:00)

- Komisioni për Ekonomi, Industri, Ndërmarrësi dhe Tregti mban dëgjim publik lidhur me projektligjin për identifikimin elektronik dhe shërbimet e besuara në transaksionet elektronike. (Ndërtesa e Kuvendit, salla N506, ora 10:00)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në zbulimin e emrit të ri të shkollës "Abdyl Frashëri" në "Rexhep Hyseni". (Objekti i shkollës, ora 10:15)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në përurimin e rekuizitave të sallës së edukatës fizike në shkollën "Dëshmorët e Zhurit" në Zhur. (Zhur, ora 11:15)

- Komisioni Qendror i Zgjedhjeve mban mbledhjen e radhës . (Ndërtesa e KQZ-së, ora 11:30) 

- Konstituohet Komisioni Ad hoc për përzgjedhjen e kandidatëve për anëtarë të Bordit të RTK-së. (Ndërtesa e Kuvendit, salla N10, ora 12:00)

- Kuvendi i Sociologjisë në kuadër të Departamentit të Sociologjisë në Universitetin e Prishtinës organizon promovimin e librit të Gëzim Selacit, "Legjitimiteti politik në Kosovë". (Biblioteka Kombëtare e Kosovës, ora 12:00)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në përurimin e rekuizitave ndërtimit të shkollës së re “Zef Lush Marku” në Velezhë. (Velezhë, ora 12:00)

- Drejtoresha e Drejtorisë së Turizmit dhe Zhvillimit Ekonomik në Komunën e Prizrenit, Sevil Liman Kazaz do të bëjë prezantimin e raportit të punës 4 vjeçar të kësaj drejtorie. (Salla e mbledhjeve të Kuvendit Komunal, ora 14:00)