26 Shtator 2022

SHBA: statusi i Kosovës dhe kufijtë janë zgjidhur

New York, 18 maj -  Në takimin e mbrëmshëm në New York, vendet anëtare të Këshillit të Sigurimit, shqyrtuan raportin e fundit tremujor mbi Kosovën të Sekretarit të Përgjithshëm Ban Ki Moon.

Varësisht nga qëndrimet e tyre mbi pavarësinë e Kosovës, u vlerësuan zhvillimet në nota pozitive ose jo edhe aq pozitive, ndërkohë që e mbështetën një dialog midis palëve.

Kosova nuk do të pranojë negociata të reja për status, tha ministri i Jashtëm i Kosovës, Skënder Hyseni, në mbledhjen e mbrëmshme të Këshillit të Sigurimit të Kombeve të Bashkuara.

“Nuk do të ketë negociata të reja për statusin e Kosovës, pasi kjo çështje ka përfunduar”, tha ministri Hyseni në seancën e Këshillit të Sigurimit.

Më tutje, ai theksoi se “nuk do të ketë biseda për ndarjen e Kosovës". "Kjo nuk do të ndodhë kurrë”, tha Hyseni dhe shtoi se “çdoherë mund të ketë biseda dhe diskutime ndërmjet shteteve fqinje”.

Këto qëndrime të ministrit Hyseni i mbështeti zëvendësambasadorja e Shteteve të Bashkuara, Brooke Anderson, duke thënë se “pavarësia e Kosovës është e pakthyeshme” dhe se “ndarja nuk është e pranueshme”.

“Pavarësia e Kosovës është e pakthyeshme. Ndarja është e papranueshme dhe statusi dhe kufijtë e Kosovës tashmë janë vendosur,” tha prerazi ambasadorja amerikane, Brooke Anderson, duke ritheksuar angazhimin e SHBA për integrimin e të gjitha vendeve të Ballkanit në Evropë dhe institucionet evro-atlantike. Ngjashëm u deklarua edhe ambasadori Britanisë së Madhe, Sir Mark Lyall Grant,

I cili tha se ‘Mbretëria e Bashkuar mbështet pavarësinë dhe sovranitetin e Kosovës dhe integriteti territorial i saj është I patundur.’ “Kosova tanimë e ka vërtetuar qëndrueshmërinë e vetë si një shtet i pavarur më një mbështetje të BE-së për perspektivë evropiane,” tha ambasadori britanik duke paraqitur qëndrimet e qeverisë së re konservatore.

Nga ana tjetër, ministri i Jashtëm i Serbisë, Vuk Jeremiq, theksoi se Qeveria e Serbisë kurrë nuk do ta pranojë pavarësinë e Kosovës.

Sipas tij, vendimi i ardhshëm i Gjykatës Ndërkombëtare të Drejtësisë për ligjshmërinë e pavarësisë së Kosovës, do të krijojë një “mundësi të paprecedent” për kompromis ndërmjet serbëve e shqiptarëve.

Shefi i misionit të OKB-së në Kosovë, Lamberto Zanier, në këtë mbledhje deklaroi se situata e përgjithshme në Kosovë është edhe më tutje stabile, por mbetet potencialisht e ndjeshme.

“Mungesa e pajtimit ndërmjet bashkësive edhe më tutje është sfidë, e cila është përforcfuar me vështirësitë ekonomike”, tha ai.

Sipas tij, “me ndihmën e UNMIK-ut, Beogradi dhe Prishtina vazhdojnë të kenë kontakte lidhur me personat e pagjetur dhe çështjet fetare”.

Zanier tha se UNMIK-u edhe më tutje luan rol neutral ndaj statusit të Kosovës dhe mban kontakte me Serbinë dhe Kosovën.

Rusia dhe Kina, bashkë edhe Brazilin e Meksikën vazhdojnë ta konsiderojnë cështjen e Kosovës të pazgjidhur duke folur për negociata shtesë midis Prishtinës dhe Beogradit.

Edhe kësaj radhe mënyra si i adresoheshin ministrit të jashtëm Hyseni, me emër e mbiemër, apo me titullin minister përpara, rrjedhimisht paralajmëronte kahet fjalës së mëtejme të vendeve anëtare të Këshillit ë Sigurimit në debatin mbi raportin dhe zhvillimet në Kosovë mtbrëmë në New York

Kalendari

Ngjarjet e datës 26 shtator 2022 - Nën përkujdesjen e Kryetarit të Komunës së Malishevës, Ekrem Kastrati do të mbahet mbledhje përkujtimore në 24 vjetorin e “Masakrës së Gollubovcit”. (Salla e mbledhjeve të KK të Malishevës, ora 10:00)

- Komiteti Olimpik i Kosovës në kuadër të Javës Evropiane të Sportit 2022, organizon konferencën “Forumi për Sportin”. (Hotel Emerald, ora 10:00)

- Agjencia për Informim dhe Privatësi, me rastin e Ditës Ndërkombëtare për Lirinë e Informimit, mban konferencë me Kryetarë të Komunave. (Hotel Emerald, ora 10:15)

- Këshilli i Prindërve i shkollës “Faik Konica” në Prishtinë do ta organizoj një protestë për të shprehur pakënaqësinë e prindërve dhe nxënësve ndaj mos fillimit të procesit mësimor. (Oborri i shkollës, ora 12:00)

- Në 24 vjetorin e “Masakrës së Gollubovcit” behë homazhe te varrezat e martirëve në Plloqicë. (Fshati Plloqicë, ora 12:00)

- Në Qendrën Mediale në Çagllavicë zhvillohet debati me temën “Jo do të thotë jo - dhuna seksuale dhe ngacmimi i grave”. (Qendra Mediale në Çagllavicë, ora 12:00)

- Mahet mbledhja e Kryesisë së Kuvendit të Repulikës së Kosovës. (Ndërtesa e Kuvendit, salla C 301, ora 11:00)

- Në prag të ndeshjes Kosova - Qipro mbahet konferenca për media e Kombëtares së Kosovës. (Stadiumi “Fadil Vokrri”, ora 17:00)

- Zhvillohet stërvitja zyrtare e Kombëtares së Kosovës. (Stadiumi “Fadil Vokrri”, ora 17:30)

- Mbahet konferenca për media e Qipros. (Stadiumi “Fadil Vokrri”, ora 18:30)

- Zhvillohet sStërvitja zyrtare e Qipros. (Stadiumi “Fadil Vokrri”, ora 19:00)