08 Shkurt 2023

SHBA sot feston 234 vjetorinë e Pavarësisë

SHBA, 4 korrik -  Sot, më 4 Korrik 2010, u mbushën 234 vjet nga dita, që kur burrat më të ndritur të kombit amerikan, nënshkruan Deklaratën e Pavarësisë, duke u betuar, ashtu siç thuhet edhe në deklaratë, për nderin e tyre, të kombit të cilit ata i përkisnin.

Kushtetuta amerikane, e nënshkruar në vitin 1776, përshkruan bazën dhe strukturën e qeverisë të Shteteve të Bashkuara, e cila është e ndarë në tri degë, në ato ekzekutive, legjislative dhe juridike, që në një gjuhë më të thjeshtë janë Presidenti, Kongresi dhe Gjykata e Lartë.

Kur gjatë luftës për çlirimin e Kosovës shtrohej pyetja pse amerikanët duhet të ndërhynin edhe ushtarakisht deri edhe me trupat Amerikane, deri sa të rrezikonin edhe të vdesin për Kosovën, natyrshëm dilte përgjigjja e këtij kombi të madh: se burrat më të ndritur të këtij kombi, më 4 korrik, si sot, 234 vjet më parë, kishin vendosur të krijojnë shtetin e tyre, bazuar në lirinë dhe të drejtat e barabarta të secilit komb.

Trashëgimia dhe porosia e tyre, e çoi Amerikën në luftë, për të mbrojtur principet e lirisë dhe demokracisë amerikane edhe në Kosovë. Për Amerikën gjëja më e shenjtë, e cila simbolizon edhe këtë ditë, është LIRIA, fjala liri e demokraci. Pra, liria e Kosovës dhe pavarësia e saj - ishte emër kuptimplotë për Amerikën dhe kombin shqiptar.

4 Korriku 1776, kumbon thellë në zemër tek tri fjalët e para të Kushtetutës amerikane, "ëe the people", "ne populli", për të theksuar rolin e rëndësishëm që shtetasit amerikanë kanë në qeverinë e Shteteve të Bashkuara.

Ato tre fjalë u bëjnë thirrje amerikanëve, të mos harrojnë se përveç pushtetit që ata ushtrojnë ndaj qeverisë, nëpërmjet të drejtës së tyre të votës, ata duhet të mbajnë edhe përgjegjësinë për lirinë e vendit të tyre.

Besojmë se askush më mirë se ne shqiptarët, nuk e ka kuptuar këtë, askush më mirë se ne shqiptarët nuk e di faktin se Shtetet e Bashkuara të Amerikës, janë betuar në nderin e tyre dhe që demokracia, liria e popujve, të mbrohet atje ku ajo dhunohet dhe shtypet. Armiqtë më të mëdhenj të Amerikës, nuk janë popujt e lirë e sovranë, por janë diktaturat e diktatorët, shtypja e popujve liridashës, skamja dhe mjerimi i tyre.

Dhe Miku më i Madh i Amerikës, është ai komb që do dhe lufton për paqen, lirinë dhe demokracinë. Par, jemi ne kombi shqiptarë !

4 Korriku 1776, Dita e Pavarësisë së SHBA, sot pas 20 vjet të rënies së komunizmit në Shqipëri, dhe 10 vjet nga çlirimi i Kosovës dhe dy vjet nga Pavarësia e saj, aq sa i përket kombit amerikan, po aq u përket edhe shqiptarëve, kombit shqiptar. Kombi shqiptar feston 4 Korrikun 1776, ashtu siç feston çlirimin e Shqipërisë nga okupatori mbas LDB, ashtu si feston shembjen e "Murit të Ambasadave", shëmbjen e komunizmit, ashtu si feston lirinë e Kosovës, dhe Pavarësinë e saj, duke i qenë mirënjohëse për jetë Shteteve te Bashkuara te Amerikës.

Presidenti i parë dhe historik i Kosovës, i ndieri Dr. Ibrahim Rugova, ia patë dedikuar gjithë këtë mrekulli admirimit dhe respektit, të madh që kanë shqiptaret ngado për Amerikën, prej Uashingtonit, Uillsonit, Regan, Bush - plakut, Klintonit, dhe Bushit të ri, që i thanë ndal gjenocidit dhe spastrimit etnik në Kosovë dhe presidentit George W. Bush, i cili ishte në atë kohë i pari presidentë në detyrë që vizitoi për herë të parë trupat amerikane në Kosovë, fill pas inaugurimit presidencial.

Kalendari

Ngjarjet e datës 8 shkurt 2023

- Komisioni për Ekonomi, Industri, Ndërmarrësi dhe Tregti, shqyrton Projektligjin për Sigurinë e përgjithshme të produkteve. (Kuvendi i Kosovës, salla N506, ora 10:00)
    
- Përfaqësuesit e Agjencisë Kosovare të Privatizimit, raportojnë në Komisionin për Buxhet, Punë dhe Transfere, lidhur me Raportin e Auditimit për të “Hyrat nga Qiraja e Agjencisë Kosovare të Privatizimit”. (Kuvendi i Kosovës, salla C203, ora 10:00)
    
- Koalicioni i OJQ–ve për Mbrojtjen e Fëmijëve në Kosovë mban tryezë diskutimi me temën: “Ligji për Mbrojtjen e Fëmijës – progresi në zbatimin e tij”. (Hotel Sirius, ora 10:00)    

- Kuvendi i Republikës së Kosovës vazhdon seancën plenare me pikat e pa përfunduar. (Kuvendi i Kosovës, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)
    
- Organizata paditëse GLPS dhe një qytetare e Republikës së Kosovës do të paraqesin Padi për konflikt administrativ për refuzimin e kompensimit për personin paraplegjik dhe tetraplegjik. (Pallati i Drejtësisë, Ndërtesa A, ora 14:00)

- Federata e Futbollit e Kosovës mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme. (Kati i parë në Albi Mall, ora 18:00)

- Fondi për të Drejtën Humanitare Kosovë (FDHK) organizon hapjen e ekspozitës së përkohshme të veprës “Albumi familjar – Mes kujtimit dhe realitetit” (Family Album – Between Recollection and Reality) nga Alban Muja, e cila do të pasohet me një bisedë me artistin. (Vendi: Qendra e Dokumentimit, Biblioteka “Hivzi Sylejmani”, Dardani, ora 19:00)