27 Nëntor 2022

SHBA e gatshme për dialog me Rusinë, por disa propozime janë të papranueshme

Washington, 18 dhjetor - Shtetet e Bashkuara të Amerikës (SHBA) janë te gatshme të diskutojë propozimet e Moskës për sigurinë evropiane, por ka disa gjëra në traktatin e tyre të paqes që edhe vetë rusët e dinë se janë të papranueshme, deklaroi një zyrtar i lartë amerikan, i cili nuk pranoi të identifikohej.

”Administrata Biden do t’i përgjigjet Kremlinit javën e ardhshme me një propozim më konkret mbi bisedimet, pas konsultimit me aleatët evropianë”, theksoi ai.

I njëjti burim paralajmëroi se në rast të agresionit të mëtejshëm rus kundër Ukrainës, Moska do të vuajë pasoja masive dhe do të paguajë një çmim të lartë”.

Rusia i dërgoi dje Shteteve të Bashkuara të Amerikës dhe NATO-s një traktat paqeje, me nëntë nene, për të cilin thotë se lehtëson tensionet në Evropën Lindore, sipas Ministrisë së Jashtme ruse.

Ajo shtoi se traktati i paqes u është dorëzuar palëve më 15 dhjetor.

Ndër masat e propozuara, të parashikuara nga media të ndryshme ruse, janë edhe krijimi i një “linje direkte telefonike” midis Moskës dhe NATO-s, premtimi nga pala amerikane për të mos e zgjeruar më tej NATO-n si edhe për të mos pranuar në aleancë vendet që kanë qenë pjesë e ish-Bashkimit Sovjetik.

”Rusia fton Shtetet e Bashkuara të Amerikës që të shqyrtojë propozimet e Moskës për garancitë e sigurisë me seriozitetin më të madh”, deklaroi zëvendësministri i Jashtëm rus, Sergej Riabkov.

”Ne i bëjmë thirrje palës amerikane që t’i konsiderojë propozimet ruse me seriozitetin më të madh, pasi situata globale mbetet mjaft e tensionuar dhe është në interesin më të madh për të gjetur një mënyrë për të zgjidhur këtë problem”, theksoi ai.

Kalendari

Ngjarjet e datës 27 nëntor 2022

- Në shënim të 110-vjetorit të Pavarësisë Shqipërisë do të mbahet mbledhje e përbashkët e Kuvendit të Republikës së Kosovës dhe Kuvendit të Republikës së Shqipërisë. (Kuvendi i Shqipërisë në Tiranë, ora 10:00)

- Me rastin e Ditës së Forcës, Ministria e Mbrojtjes dhe Forca e Sigurisë së Kosovës organizojnë “Ditën e Hapur’’ në të cilën do të marrin pjesë edhe udhëheqësit më të lartë shtetërorë, si dhe përfaqësuesit ushtarakë e diplomatikë të vendeve partnere. (Kazerma “Adem Jashari”, ora 12:00)