27 Shtator 2022

Serbia, është e obliguar të zgjidh problemet në raport me Kosovën

Helsinki, 3 qershor - Kryeministri i Kosovës, Hashim Thaçi sot është takuar me kryeministrin e Finlandës, Matti Vanhanen me ç’rast kanë diskutuar për zhvillimet në rajon dhe raportet bilaterale në mes të dy vendeve. Z. Thaçi dhe z.Vanhanen kanë zhvilluar një takim kokë më kokë dhe më pas takimi ka vazhduar me një drekë pune, me pjesëmarrjen e delegacioneve të të dyja vendeve.

Kryeministri Hashim Thaçi ka njohur nikoqirin e tij, kryeministrin finlandez Martti Vanhanen me zhvillimet në rajon dhe me progresin që po shënon Kosova në ndërtimin e shtetit dhe paqes në rajon. Kryeministri Thaçi ka falënderuar qeverinë dhe popullin finlandez për kontributin e vazhdueshëm për Kosovën në kuadër të kontingjentit të KFOR-it; në misionin e Bashkimit Evropian EULEX dhe në kuadër të ICO-së.

Në takim janë vlerësuar shumë lartë marrëdhëniet e deritanishme bilaterale në mesë të Kosovës dhe Finlandës dhe është shprehur gatishmëria dypalëshe për të vazhduar trendin e ndërtimit të marrëdhënieve të mira dhe me interes reciprok.

Kryeministri Hashim Thaçi ka çmuar edhe për kujdesin që Finlanda ka treguar për qytetarët e Kosovës që ishin strehuar në këtë vend gjatë luftërave që u zhvilluan në rajon. Kryeministri ka ftuar investitorët finlandez që të jenë prezent me investimet e tyre në Kosovë, për çka Kosova ofron kushte dhe ambient të përshtatshëm për zhvillimin e biznesit.

Kryeministri i Finlandës Matti Vanhanen ka vlerësuar arritjet e gjertanishme të Kosovës dhe ka konfirmuar vazhdimin e mbështetjes së Kosovës në procesin e integrimit të saj në strukturat euroatlantike.

Në takim është konstatuar bashkërisht se Raporti i Progresit për Kosovën që pritet të publikohet sivjet do të evidentojë progresin e shënuar në zhvillimin e proceseve pozitive në Kosovë.

Në takimin janë identifikuar fushat e bashkëpunimit me interes të përbashkët për zhvillim, sidomos në ato fusha ku Finlanda ka treguar një standard të lartë. Në këtë kontekst janë identifikuar fusha e ambientit, pylltarisë, bujqësisë dhe fusha tjera.

Në konferencën për shtyp, të zhvilluar pas takimit, kryeministri finlandez është shprehur qartë për perspektivën evropiane të rajonit, duke theksuar se Serbia, në këtë kontekst, është e obliguar që të zgjidh problemet në raport me Kosovën.

 

Kalendari

Ngjarjet e datës 27 shtator 2022  - Ministria e Mbrojtjes dhe FSK organizon Konferencën Vjetore Ndërkombëtare “FSK dhe partnerët 2022”. (Hotel Emerald, ora 9:00)

- Shoqata e Grave në Sektorin e Energjisë së Kosovës me përkrahjen e zyres se Presidentes dhe parnerëve ndërkombëtar organizon Konferencën e parë Rajonale “Energjia & Gratë”. (Hotel Emerald, ora 9:00)

- Komisioni për Çështje të Sigurisë dhe Mbrojtjes shqyrton Projektligjin për Sigurinë Kibernetike, Projektligjin për Mbrojtjen e Informacionit të Klasifikuar, etj. (Ndërtesa e Kuvendit, salla C203, ora 10:00)

 - Koalicioni 27, grupi i organizatave të shoqërisë civile publikojnë raportin “Shkatërrimi ekologjik – Koha të veprojmë”. (Hotel Swiss Diamond, ora 10:00)

- Me rastin e Ditës Ndërkombëtare për Lirinë e Informimit, Agjencia për Informim dhe Privatësi mban konferencë kryetarët e Gjykatave si dhe Prokurorët e Prokurorive të Republikës së Kosovës. (Hotel Emerald, ora 10:15)

-  Komisioni për Ekonomi, Industri, Ndërmarrësi dhe Tregti diskuton mbikëqyrjen e zbatimit të Rekomandimeve të Kuvendit lidhur me auditimin e performances të ndërmarrjes publike KOSTT SH.A. (Ndërtesa e Kuvendit, salla N10, ora 11:00)

- Këshilli i Prindërve të Shkollës Fillore të Mesme të Ulët “Naim Frashëri”, Prishtinë organizon një protestë për të shprehur shqetësimet lidhur me prolongimin e fillimit të mësimit për vitin akademik 2022/2023. (Shkolla fillore "Naim Frashëri" në Prishtinë, ora 12:10)

- Lidhja Demokratike e Kosovës mban konferencë për medie lidhur me grevën në sektorin publik. (Selia qendrore e LDK-së, ora 11:00)

- Instituti Demokraci për Zhvillim organizon sallonin e radhes me temë “Dhuna online ndaj grave në politikë: Çfarë masa mund të ndërmarrim?”. (Libraria Dukagjini, ora 17:00)

- KFOR i udhëhequr nga NATO do të zhvillojë stërvitjen “Golden Sabre”. (Zona stërvitore të Camp Novo Selo)