27 Nëntor 2022

Rusia pranon vrasjen e shumë ushtarëve në luftën në Ukrainë

Moskë, 8 prill - Kremlini ka pranuar se në luftën me Ukrainën ka humbur një numër të madh trupash.

Zëdhënësi i Kremlinit Dmitry Peskov tha Rusia kishte pësuar "humbje të konsiderueshme" në Ukrainë, ku trupat ruse hynë me forcë më 24 shkurt në atë që Moska e quan një "operacion ushtarak special".

“Sky News” raporton se zëdhënësi Peskov, në një intervistë të dhënë, ka pohuar se ka një rritje përsa i përket trupave ushtarakë të humbur në sulmet e tyre në Ukrainë.

Peskov u pyet nëse lufta ishte një poshtërim për Rusinë duke pasur parasysh numrin e trupave të humbura, ku u shpreh se Rusia ka humbje të konsiderueshme të trupave. Këtë fakt, ai e cilësoi si një tragjedi të madhe për ta.

Nga ana tjetër, zëdhënësi nuk ka dhënë asnjë shifër në lidhje me trupat e vrarë. Por sipas medieve të huaja, në fund të muaji mars, Rusia tha se kishte humbur 1,351 ushtarë me 3,825 të tjerë të plagosur.

Kalendari

Ngjarjet e datës 27 nëntor 2022

- Në shënim të 110-vjetorit të Pavarësisë Shqipërisë do të mbahet mbledhje e përbashkët e Kuvendit të Republikës së Kosovës dhe Kuvendit të Republikës së Shqipërisë. (Kuvendi i Shqipërisë në Tiranë, ora 10:00)

- Me rastin e Ditës së Forcës, Ministria e Mbrojtjes dhe Forca e Sigurisë së Kosovës organizojnë “Ditën e Hapur’’ në të cilën do të marrin pjesë edhe udhëheqësit më të lartë shtetërorë, si dhe përfaqësuesit ushtarakë e diplomatikë të vendeve partnere. (Kazerma “Adem Jashari”, ora 12:00)