30 Janar 2023

Rusia përdor përdhunimin sistematik të grave në Ukrainë si armë

Bruksel, 5 maj - Komisionerja e Çështjeve të Brendshme të Bashkimit Evropian, Ylva Johansson tha se Rusia po përdor përdhunimin sistematik të grave në Ukrainë si armë dhe se ka prova që viktimat janë në moshën nga 10 deri në 78-vjeç.

Johansson mbajti një fjalim në seancën e mbajtur në Asamblenë e Përgjithshme të Parlamentit Evropian lidhur me gratë ukrainase.

"Rusia nuk i ka hapur luftë vetëm Ukrainës por edhe grave. Po vijnë raporte të besueshme dhe prova në rritje se ushtarët rusë kanë përdhunuar gratë, nga vajzat deri në 10-vjeç e deri tek gratë 78-vjeç", tha Johansson e cila shtoi se "Rusia po përdor përdhunimin si armë lufte".

Pasi bëri të diturse 9 nga 25 gra janë përdhunuar sistematikisht në një bodrum në qytetin Bucha të Ukrainës, Johansson tha se dje ka biseduar me zv/kryeministren ukrainase, Olha Stefanishyna se ajo e ka informuar që janë rritur rastet e përdhunimit dhe se për këtë arsye i ka propozuar "formimin e qendrave të mbijetesës" për të cilën ka kërkuar edhe mbështetjen e BE-së.

"E mirëpres propozimin nga Stefanishyna dhe këtë do ta diskutoj me anëtarët e tjerë të komisionit", potencoi Johansson e cila tha se BE-ja aktualisht siguron mbështetje afatshkurtër për traumat urgjente dhe mbështetje shëndetësore afatgjate për këta njerëz.

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)