26 Shtator 2022

Redaktorja shfaqet me parrulla kundër luftës, ndërpret edicionin e lajmeve

Moskë, 15 mars - Një grua që mbante parrulla kundër luftës në Ukrainë, është shfaqur papritur gjatë transmetimit të edicionit të lajmeve në televizionin rus Channel 1, që kontrollohet nga shteti.

Ajo u shfaq prapa krahëve të spikeres së lajmeve dhe mbante në duar një tabelë ku shkruhej: “Jo luftë, ndalo luftën, mos besoni propagandën, këtu po gënjejnë”.

Gruaja quhet Marina Ovsyannikova dhe raportohet se është redaktore lajmesh në këtë televizion.

Lajmet e televizioneve ruse kontrollohen nga Kremlini dhe pasqyrojnë vetëm variantin rus të ngjarjeve në Ukrainë.

BBC raporton se Marina Ovsyannikova besohet që të jetë në paraburgim.

Para se të shfaqej gjatë edicionit të lajmeve, ajo kishte regjistruar një video në të cilën i konsideronte krim ngjarjet në Ukrainë dhe se i vinte turp të punonte për atë që e quajti “propagandë e Kremlinit”.

Gjithashtu ajo i bëri thirrje popullit rus që të protestojë kundër luftës në Ukrainë. 

Kalendari

Ngjarjet e datës 26 shtator 2022 - Nën përkujdesjen e Kryetarit të Komunës së Malishevës, Ekrem Kastrati do të mbahet mbledhje përkujtimore në 24 vjetorin e “Masakrës së Gollubovcit”. (Salla e mbledhjeve të KK të Malishevës, ora 10:00)

- Komiteti Olimpik i Kosovës në kuadër të Javës Evropiane të Sportit 2022, organizon konferencën “Forumi për Sportin”. (Hotel Emerald, ora 10:00)

- Agjencia për Informim dhe Privatësi, me rastin e Ditës Ndërkombëtare për Lirinë e Informimit, mban konferencë me Kryetarë të Komunave. (Hotel Emerald, ora 10:15)

- Këshilli i Prindërve i shkollës “Faik Konica” në Prishtinë do ta organizoj një protestë për të shprehur pakënaqësinë e prindërve dhe nxënësve ndaj mos fillimit të procesit mësimor. (Oborri i shkollës, ora 12:00)

- Në 24 vjetorin e “Masakrës së Gollubovcit” behë homazhe te varrezat e martirëve në Plloqicë. (Fshati Plloqicë, ora 12:00)

- Në Qendrën Mediale në Çagllavicë zhvillohet debati me temën “Jo do të thotë jo - dhuna seksuale dhe ngacmimi i grave”. (Qendra Mediale në Çagllavicë, ora 12:00)

- Mahet mbledhja e Kryesisë së Kuvendit të Repulikës së Kosovës. (Ndërtesa e Kuvendit, salla C 301, ora 11:00)

- Në prag të ndeshjes Kosova - Qipro mbahet konferenca për media e Kombëtares së Kosovës. (Stadiumi “Fadil Vokrri”, ora 17:00)

- Zhvillohet stërvitja zyrtare e Kombëtares së Kosovës. (Stadiumi “Fadil Vokrri”, ora 17:30)

- Mbahet konferenca për media e Qipros. (Stadiumi “Fadil Vokrri”, ora 18:30)

- Zhvillohet sStërvitja zyrtare e Qipros. (Stadiumi “Fadil Vokrri”, ora 19:00)