27 Shtator 2021

Qindra gra protestojnë në Rusi në mbështetje të të burgosurve politikë

Moskë, 15 shkurt - Qindra gra morën pjesë në protesta të zhvilluara në Moskë dhe Shën Peterburg në Ditën e Shën Valentinit në mbështetje të grave ruse të ndjekura penalisht për arsye politike.

Protesta e titulluar Zinxhiri i Solidaritetit dhe Dashurisë i kushtohet gjithashtu gruas së udhëheqësit të burgosur rus Alexey Navalny, zonjës Yulia Navalnaya, e cila u largua për në Gjermani më 10 shkurt.

Megjithëse nuk u dha asnjë shpjegim për largimin e saj, Navalnaya ishte ndaluar kohët e fundit pasi kishte marrë pjesë në tubime të pa lejuara nga qeveria, në mbështetje të bashkëshortit të saj.

Imazhet e shpërndara në rrjetet sociale më 14 shkurt tregojnë gra që mbajnë trëndafila të kuq dhe pankarta në formë zemre me emrat e grave të burgosura për arsye politike. Demonstrueset gjithashtu kënduan, "Dashuria është më e fortë se frika", motoja e protestave.

Organizatorët thanë në faqen e tyre në Facebook se tubimet u kushtohen grave që ishin "rrahur dhe torturuar nga policia gjatë protestave paqësore", si dhe "për secilën prej atyre që kanë kaluar ditë në gjykata, autobusë policie dhe qendra speciale të paraburgimit".

Më vonë më 14 shkurt, mbështetësit e Navalnit kanë planifikuar një protestë duke përdorur dritat e celularëve, elektrikë dore dhe qirinj për të shprehur mbështetjen për të, pavarësisht nga një paralajmërim se ata që marrin pjesë mund të përballen me akuza penale.

Mbështetësit e Navalnit u kanë bërë thirrje njerëzve në të gjithë Rusinë që të ndezin dritat e telefonit celular për 15 minuta duke filluar nga ora 8 e darkës, sipas kohës lokale.

Zoti Navalny, 44 vjeç, një kritik i vendosur i Presidentit rus Vladimir Putin, u arrestua më 17 janar pasi u kthye në Rusi nga Gjermania ku u trajtua për një helmim me agjent nervor që ai tha se ishte urdhëruar nga Putini. Kremlini ka mohuar të ketë patur ndonjë rol në sulm. 

Kalendari

Ngjarjet e datës 27 Shtator 2021

- Kryeministri i Republikës së Kosovës, Albin Kurti pret me ceremoni shtetërore Kryeministrin e Republikës së Shqipërisë, Edi Rama, dhe anëtarë të kabinetit qeveritar të Shqipërisë. (Sheshi "Skënderbeu", ora 8:50 - Mediet të jenë të pranishme më së largu, ora 8:10)

- Me rastin e fillimit të vitit të ri shkollor 2021-22 kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në përurimin e rekuizitave të sallës së edukatës fizike në shkollën "Dëshmorët e Kabashit" në Korishë. (Korishë, ora 9:00)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në zbulimin e emrit të ri të shkollës "Lekë Dukagjini" në "Gani Saramati". (Objekti i shkollës, ora 9:30)

- Kryeministri i Republikës së Kosovës, Albin Kurti dhe Kryeministri i Republikës së Shqipërisë, Edi Rama, mbajnë konferencë për media në ora 10:20 - Mediat e akredituara duhet të jenë më së largu në ora 10:00)

- Komisioni për Ekonomi, Industri, Ndërmarrësi dhe Tregti mban dëgjim publik lidhur me projektligjin për identifikimin elektronik dhe shërbimet e besuara në transaksionet elektronike. (Ndërtesa e Kuvendit, salla N506, ora 10:00)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në zbulimin e emrit të ri të shkollës "Abdyl Frashëri" në "Rexhep Hyseni". (Objekti i shkollës, ora 10:15)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në përurimin e rekuizitave të sallës së edukatës fizike në shkollën "Dëshmorët e Zhurit" në Zhur. (Zhur, ora 11:15)

- Komisioni Qendror i Zgjedhjeve mban mbledhjen e radhës . (Ndërtesa e KQZ-së, ora 11:30) 

- Konstituohet Komisioni Ad hoc për përzgjedhjen e kandidatëve për anëtarë të Bordit të RTK-së. (Ndërtesa e Kuvendit, salla N10, ora 12:00)

- Kuvendi i Sociologjisë në kuadër të Departamentit të Sociologjisë në Universitetin e Prishtinës organizon promovimin e librit të Gëzim Selacit, "Legjitimiteti politik në Kosovë". (Biblioteka Kombëtare e Kosovës, ora 12:00)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në përurimin e rekuizitave ndërtimit të shkollës së re “Zef Lush Marku” në Velezhë. (Velezhë, ora 12:00)

- Drejtoresha e Drejtorisë së Turizmit dhe Zhvillimit Ekonomik në Komunën e Prizrenit, Sevil Liman Kazaz do të bëjë prezantimin e raportit të punës 4 vjeçar të kësaj drejtorie. (Salla e mbledhjeve të Kuvendit Komunal, ora 14:00)