06 Dhjetor 2022

Putin merr hak ndaj 8 gjeneralëve të ushtrisë së tij

Moskë, 31 mars - Forcat ruse thuhet se janë përballur me strategji të dobët ushtarake, moral të ulët dhe nga rekrutët joprofesionistë që u detyruan të luftonin në pushtimin e Ukrainës.

Shtatë gjeneralë rusë kanë vdekur gjatë fillimit të konfliktit dhe vendi besohet se, ka shkarkuar tetë gjeneralë si hakmarrje për dështimet e tyre.

Ndërkaq, komandanti i ushtrisë gjenerali Vlaislav Yershov u shkarkua nga Putin, pasi njësia e tij ushtarake pësoi humbje të mëdha.

Përveç kësaj, gjeneral-koloneli Sergei Beseda, kreu i degës së inteligjencës së jashtme ka gjasa të jetë shkarkuar gjithashtu dhe është vendosur në arrest shtëpie.

Sipas raporteve të deklasifikuara të inteligjencës amerikane, presidenti rus ndihej sikur ishte "mashtruar" nga komandantët e tij, pasi ata nuk dhanë një raport të saktë të pushtimit.

Megjithëse Putin deklaronte rregullisht se përdorte "ushtarakë profesionistë" në konflikt, ai pranoi se, vendi kishte përdorur rekrutët e pa trajnuar. Kjo për shkak se ministria ruse e mbrojtjes "zbuloi disa raste të pranisë së rekrutëve".

Një zyrtar amerikan tha se Putin "as që e dinte se ushtria e tij po përdorte dhe po humbiste rekrutët", gjë që tregonte një dezinformim kundrejt tij. 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)