17 Shtator 2021

Pritshmëria e rusëve për protesta kundër arrestimit të Navalny më e larta në 20 vitet e fundit

Moskë, 11 shkurt - Instituti hulumtues rus Levada Center, ka kryer një hulumtim në lidhje me ndërgjegjësimin dhe pritshmërinë e rusëve në lidhje me protestat e fundit kundër arrestimit të opozitarit rus, Alexei Navalny.

Bazuar në rezultatet e hulumtimit niveli i pritshmërisë dhe ndërgjegjësimit të rusëve për të protestuar në mbështetje të Navalnyn, është më e larta në vitet e fundit, ku 80% e të anketuarve janë në dijeni për protestat e fundit.

Shifra prej 80%, e ndërgjegjësimit të rusëve për protestat e fundit kundër arrestimit të Navalny, i përgjigjet shifrës që ishte në vitin 1998, vit kur Rusia përballej me krizë ekonomike dhe protesta të shumta.

Të dhëna e dala nga hulumtimi tregojnë se më shumë se 20% e të anketuarve i kishin ndjekur nga afër protestat kundër arrestimit të Navalny, 59% e të anketuarve kishin dëgjuar për protestat, ndërsa vetëm 19% e të anketuarve nuk dinin asgjë për protestat.

Nëse analizohen grup moshat, përqindja më e madhe e atyre që i kishin ndjekur nga afër protestat është grup mosha prej 18-24 vjetarëve, ku 27% e të anketuarve nga kjo grup moshë kanë deklaruar se i kanë ndjekur nga afër protestat, 58% e të anketuarve kishin dëgjuar për protesta, ndërsa vetën më pak se 15% e të anketuarve nga kjo grup moshë nuk kishin njohuri për protestat në mbështetje të Navalny.

Nga rezultatet e dala nga hulumtimi i Levada Center, vërehet një rritje e numrit të rusëve që nuk mbështesin politikat autokratike të Putin dhe rritje të ndërgjegjësimit dhe pritshmërie për protesta, në lidhje me zhvillimet e fundit politike, si dhe krizën ekonomike e cila manifestohet me rritjen e papunësisë dhe zvogëlimit të fuqisë blerëse, si pasoj e inflacionit dhe zhvleftësimit të rublës ruse.

Derisa sa në njërën anë ka ndërgjegjësim të rusëve për të protestuar, në anën tjetër ka rënie të besimit të rusëve në presidentin Putin, ku në bazë të hulumtimit të fundit besimi i rusëve për Putin është më i ulëti në vitet e fundit, ku nga 59% sa ishte në vitin 2017, në janar të vitit 2021 ka rënë në vetëm 29%.

Kalendari

Ngjarjet e datës 17 Shtator 2021 - Kuvendi i Komunës së Prizrenit do të mbajë mbledhjen e jashtëzakonshme lidhur me përgatitjet për fillimin e vitit të ri shkollor. (Salla për mbledhjet e Kuvendit të Komunës, në Shtëpinë e Bardhë, ora 10:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues nga Iniciativa e Pavarur e të Verbërve të Kosovës. (Ndërtesa e Kuvendit, salla N303, ora 10:00)

- Presidentja e Republikës së Kosovës, Vjosa Osmani pret në takim të dërguarin e Bashkimit Evropian për dialogun, Miroslav Lajčák. (Kabineti i Presidentes, ora 10:10 - vetëm pamje në fillim të takimit)

- Komuna e Deçanit organizon promovimin e librit  “Krimet serbe në Kosovë” nga autori  Prof. Adem Lushaj. (Salla e Asamblesë Komunale në Deçan, ora 10:00)

- Nen përcjelljen e Forces së Sigurisë se Kosovës mbahet ceremonine e rivarrimit te dëshmorit Mehmetali Behluli. (Kompleksi i Varrezave te Dëshmoreve në Gjilan, ora 11:00)

- Federata e Sindikatave të Shëndetësisë së Kosovës proteston para ministrisë së Shëndetësisë, lidhur me nxjerrjen e udhëzimit administrativë për shtesat mbi pagë të bazuar në Ligjin për luftimin dhe parandalimin e pandemisë. (Para ministrisë së Shëndetësisë, ora 11:00)

- Kryetari i Komunës së Prizrenit, Mytaher Haskuka do të merr pjesë në aktivitetin "Dita pa Makina" të organizuar nga Drejtoria e Shërbimeve Publike. (Sheshi i Dëshmorëve, ora 14:00)

- Lëvizjes Vetëvendosje! në Prizren.do të bëj prezantimin e kandidatëve për asamblistë. (Hapësirat e Lidhjes së Prizrenit, ora 18:00)