26 Shtator 2022

Përfundon pa rezultat takimi mes Berishës dhe Ramës

Strasburg, 21 maj - Ka përfunduar pas asnjë rezultat takimi i së enjtes në mbrëmje mes Kryeministrit Sali Berisha, liderit të opozitës, Edi Rama në praninë e Komisarit të BE-së për zgjerimin, Stefan Füle, si edhe kryetarëe të fraksioneve të partive socialdemokratë dhe Partive Popullore në Parlamentin Evropian, Martin Schulz, dhe Josepf Daull.

Njoftohet se palëve u është dhënë kohë për reflektim, deri në zhvillimin e një takimi tjetër. Pas takimit që u organizua në formën një darke informale në restorantin "Krokodili" në Strasburg, Komisari i BE-së për zgjerimin, Stefan Füle e vlerësoi takimin si të mirë, por ka ende shumë për të bërë. Një zëdhënës i kryetarit të fraksionit të partive socialdemokrate në PE, Martin Schulz u shpreh megjithatë optimist.

Bisedimet ishin të vështira, por shpresa për kompromis është e madhe, ka thënë zëdhënësi i Schulz. Situata e ngërçit politik në Shqipëri që shqetëson seriozisht BE-në, po ia afrohet vitit. Situata e krizës ka shqetësuar edhe Shtetet e Bashkuara. Në një deklaratë për shtyp ditën e djeshme, ambasada amerikane ka theksuar se nuk duhet humbur kohë për arritjen e një marrëveshjeje.

“Populli shqiptar ka nevojë urgjente për fundin e krizës politike dhe që Shqipëria t'i kthehet përqëndrimit tek axhenda e saj euro-atlantike”, - thuhet në deklaratë.

 

Kalendari

Ngjarjet e datës 26 shtator 2022 - Nën përkujdesjen e Kryetarit të Komunës së Malishevës, Ekrem Kastrati do të mbahet mbledhje përkujtimore në 24 vjetorin e “Masakrës së Gollubovcit”. (Salla e mbledhjeve të KK të Malishevës, ora 10:00)

- Komiteti Olimpik i Kosovës në kuadër të Javës Evropiane të Sportit 2022, organizon konferencën “Forumi për Sportin”. (Hotel Emerald, ora 10:00)

- Agjencia për Informim dhe Privatësi, me rastin e Ditës Ndërkombëtare për Lirinë e Informimit, mban konferencë me Kryetarë të Komunave. (Hotel Emerald, ora 10:15)

- Këshilli i Prindërve i shkollës “Faik Konica” në Prishtinë do ta organizoj një protestë për të shprehur pakënaqësinë e prindërve dhe nxënësve ndaj mos fillimit të procesit mësimor. (Oborri i shkollës, ora 12:00)

- Në 24 vjetorin e “Masakrës së Gollubovcit” behë homazhe te varrezat e martirëve në Plloqicë. (Fshati Plloqicë, ora 12:00)

- Në Qendrën Mediale në Çagllavicë zhvillohet debati me temën “Jo do të thotë jo - dhuna seksuale dhe ngacmimi i grave”. (Qendra Mediale në Çagllavicë, ora 12:00)

- Mahet mbledhja e Kryesisë së Kuvendit të Repulikës së Kosovës. (Ndërtesa e Kuvendit, salla C 301, ora 11:00)

- Në prag të ndeshjes Kosova - Qipro mbahet konferenca për media e Kombëtares së Kosovës. (Stadiumi “Fadil Vokrri”, ora 17:00)

- Zhvillohet stërvitja zyrtare e Kombëtares së Kosovës. (Stadiumi “Fadil Vokrri”, ora 17:30)

- Mbahet konferenca për media e Qipros. (Stadiumi “Fadil Vokrri”, ora 18:30)

- Zhvillohet sStërvitja zyrtare e Qipros. (Stadiumi “Fadil Vokrri”, ora 19:00)