05 Tetor 2022

OKB miraton projektrezolutën që dënon agresionin e Rusisë ndaj Ukrainës

New York, 2 mars - Me 141 vota për, 5 kundër dhe 35 abstenime, Asambleja e Përgjithshme e Kombeve të Bashkuara (OKB) miratoi projektrezolutën që dënon ofensivën ushtarake të Rusisë ndaj Ukrainës.

Votimi u zhvillua pas fjalimeve të mbajtura në mbledhjet e jashtëzakonshme të Asamblesë së Përgjithshme të OKB-së për Ukrainën, të cilat vazhduan për tri ditë.

Rusia, Bjellorusia, Siria, Koreja e Veriut dhe Eritrea votuan kundër projektligjit, ndërsa 35 vende, përfshirë Kinën dhe Indinë, abstenuan.

Duke qenë ndër bashkëprezantuesit e projektrezolutës, Turqia u bë një nga vendet e grupit kryesor që kontribuoi në tekst.

Në rezolutën e miratuar, ndërsa dënohen fuqishëm sulmet e Rusisë ndaj Ukrainës, nga Moska kërkohet “tërheqja e menjëhershme, e plotë dhe e pakushtëzuar e të gjitha forcave ushtarake nga territori ukrainas”.

Duke theksuar sovranitetin, pavarësinë dhe integritetin territorial të Ukrainës, rezoluta thotë: “Agresioni i Federatës Ruse kundër Ukrainës në shkelje të nenit 2, paragrafi 4 i Konventës së OKB-së, u prit me keqardhjen më të madhe”.

Në rezolutë, ku theksohet se Rusia duhet t’i japë fund aktiviteteve të saj ushtarake në Ukrainë, thuhet se vendimi i Rusisë për të njohur të ashtuquajturat republika Donetsk dhe Luhansk më 21 shkurt është i pavlefshëm, ndërsa potencohet se “Rusia duhet të anulojë menjëherë dhe pa kushte këtë vendim”.

Rezoluta fton palët të respektojnë Marrëveshjen e Minskut dhe thekson se duhet të sigurohet qasje në zonat ku duhet të dërgohet ndihmë humanitare.

Rezoluta i drejtohet edhe Bjellorusisë, e cila ka mbështetur ofensivën ruse, duke shprehur pakënaqësinë me përfshirjen e saj në përdorimin e paligjshëm të forcës kundër Ukrainës. Ky vend po ashtu është ftuar që të përmbushë detyrimet e saj ndërkombëtare.

Rezolutat e Asamblesë së Përgjithshme janë kuptimplote për sa i përket zbulimit të qasjes së përgjithshme të shteteve anëtare të OKB-së për një çështje, por nuk kanë fuqi sanksionuese.

Kalendari

Ngjarjet e datës 5 tetor 2022

- Komisioni për Buxhet, Punë dhe Transfere shqyrton Projektligjin për ratifikimin e Marrëveshjes së Financimit në mes të Republikës së Kosovës përfaqësuar nga Ministria e Financave, Punës dhe Transfereve dhe Asociacionit Ndërkombëtar për Zhvillim për “Projektin e Reformës së Sistemit të Ndihmës Sociale në Kosovë”. (Ndërtesa e Kuvendit, salla C203, ora 10:00)

- Shefi i futbollit në UEFA, Zvonimir Boban takohet me Ministrin e Kulturës, Rinisë dhe Sportit Hajrulla Çeku. (Ndërtesa e Ministrisë, ora 10:00)

- Avokati i Popullit organizon dëgjim publik përkitazi me hetimin e përgjithshëm për shëndetin riprodhues në Gjilan. (Salla e Kuvendit të Komunës së Gjilanit, ora 10:00)

- Shefi i futbollit në UEFA, Zvonimir Boban takohet me kryetarin e Komunës së Prishtinës Përparim Rama. (Ndërtesa e Komunës, ora 10:45)

- Aleanca Kosovare e Bizneseve pret sekretaren e ambasadës së Malit të Zi, Fedisa Dacić ku edhe do të mbahet konferenca për media lidhur me Forumin Ekonomik Ndërkombëtar Ulqini. (Objekti i AKB-së, ora 11:00)

- Shefi i futbollit në UEFA, Zvonimir Boban takohet me Komitetin Ekzekutiv të Federatës së Futbollit të Kosovës. (Selia e FFK-së, ora 11:30)

- Komisioni për Shëndetësi dhe Mirëqenie Sociale shqyrton në parim Projektligjin për faljen e masave ndëshkimore të vendosura gjatë periudhës së Pandemisë COVID-19. (Ndërtesa e Kuvendit, salla N10, ora 11:30)

- Agjencia Kosovare e Privatizimit organizon ceremoninë e hapjes së ofertave të shitjeve të aseteve përmes likuidimit nr. SHAL 59. (Hotel Grand, ora 12:30)

- Zëvendëskryeministri i parë për Integrim Evropian, Zhvillim dhe Dialog, Besnik Bislimi raporton para Komisionit për Integrime Evropiane. (Ndërtesa e Kuvendit, salla N302, ora 13:00)

- Komuna e Gjilanit organizon mbledhje komemorative për të nderuar jetën dhe veprën e prof. dr. Shqiponja Isufit. (Salla e teatrit të qytetit të Gjilanit, ora 13:00)

-  Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike bën zgjedhjen e eksperteve. (Ndërtesa e Kuvendit, salla C203, ora 14:00)

- Shefi i futbollit në UEFA, Zvonimir Boban mban konferencë për media. (Stadiumi “Fadil Vokrri”, ora 15:00)

- Zhvillohet ndeshja Kosovë - Itali në kuadër të Kualifikimeve e Evropianit U17. (Stadiumi “Fadil Vokrri”, ora 16:00)