05 Dhjetor 2022

Njerëzit më pak besim te Bashkimi Europian

Bruksel, 28 gusht - Besimi i njerëzve tek Bashkimi Europian ka rënë në nivele rekord në shumë vende anëtare të organizatës. Kjo ka ndodhur edhe ndërsa vende të ndryshme po përballen me një shtim të madh të papunësisë dhe të problemeve financiare, veçanërisht bëhet fjalë për vendet e Eurozonës.

Këto janë rezultatet e raportit të fundit të publikuara dje nga Eurobarometër. Më pak se gjysma e europianëve, pra 49% e tyre mendojnë se vendi i tyre ka pasur përfitime nga anëtarësimi në Bashkimin Europian, ndërkohë që besimi i tyre tek organizata ka rënë në 42%, ose 6 pikë krahasuar me të njëjtën periudhë të vitit të kaluar.

Sondazhi është kryer në muajin maj në pikun e krizës buxhetore të Greqisë që rrezikoi të shkatërronte ekonomikisht të gjitha vendet e Eurozonës. Ndërkohë, këto vende po përballen me masa të rrepta kursimi nga ana e qeverive të tyre dhe mbi të gjitha me një papunësi gjithnjë e në rritje.

Imazhi i Bashkimit Europian u përkeqësua në mënyrë dramatike në Greqi, Qipro, Portugali, Spanjë, Rumani, Itali dhe Luksemburg ku besimi në institucionet europiane ranë 10% nga 18% që ishte një vit më parë. Vetëm hungarezët dhe danezët kanë pasur një mendim deri diku më optimist për Brukselin, ndërkohë që belgët nuk e kanë ndryshuar mendimin e tyre.

Papunësia mbetet një nga shqetësimet më të mëdha të qytetarëve të Bashkimit Europian së bashku me situatën ekonomike në përgjithësi që duket e zymtë në shumë shtete. Zëdhënës të ndryshëm të Bashkimit Europian i kanë prezantuar këto rezultate dje në një dritë pozitive duke nënvizuar se niveli i besimit në institucionet e Bashkimit Europian është ende i lartë, madje më i lartë se ai që kanë vende të ndryshme për parlamentet dhe qeveritë e tyre.

“Nuk jam i sigurt nëse mund të bëjmë lidhje mes perceptimit negativ të qytetarëve në lidhje me përfitimet që kanë pasur nga anëtarësimi dhe kritikave ndaj institucioneve të BE-së. Zhgënjimi në lidhje me anëtarësimin mund të lidhet me institucionet e BE-së, por një rol shumë të rëndësishëm kanë edhe qeveritë e vendeve përkatëse  për ndikimin e tyre apo edhe për mungesën e informacionit ndaj BE-së”, ka deklaruar zëdhënësi i BE-së, Olivier Bailly.

Ndërkohë, sipas sondazhit kur personat janë pyetur se çfarë u sjell ndërmend BE në radhë të parë, ata janë përgjigjur se më së pari e lidhin atë me lëvizjen e lirë dhe monedhën euro. Ndërsa paqja ishte arsyeja e tretë me të cilin njerëzit e lidhnin organizatën.

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)