27 Shtator 2021

Navalny me probleme shëndetësore, autoritetet e burgut nuk bëjnë asgjë

Moskë, 26 mars - Politikani opozitar Aleksei Navalny ka konfirmuar se është duke u përballur me dhimbje të forta të shpinës dhe se “asgjë” nuk është bërë në këtë drejtim nga autoritetet e burgut.

Ai ka thënë se është paralajmëruar më parë se nga sëmurja në burg mund të përfundojë me fatalitet.

“Dikur Mikhail Khodorkovsky, që ka qëndruar 10 vjet në burg më ka thënë: Gjëja kryesore është që të mos sëmurësh aty”, ka thënë Navalny përmes një postimi në Instagram më 26 mars, duke iu referuar pronarit të ish-gjigantit të kompanisë së naftës Yukos, i cili ka kaluar një dekadë mbrapa grilave.

Ai është dënuar në dy raste kontroverse.

“Askush nuk do të kujdeset për ty. Nëse sëmureni seriozisht, do të vdisni”, ka cituar Navalny fjalët e Khodorkovskyt.

Navalny, 44-vjeçar aktualisht është në një burg 60 kilometra larg Moskës.

Burgu ky gjendet ai njihet si ndër më të ashprit në Rusi.

Gjendja shëndetësore e kritikut të Kremlinit është kthyer në çështje për diskutim më 24 mars, pasi aleatët e tij kanë thënë se kanë qenë të shqetësuar për përkeqësimin e gjendjes së tij shëndetësore, dhe u kanë bërë thirrje autoriteteve të burgut të qartësojnë gjendjen e tij.

Më 25 mars, gruaja e Navalny i ka kërkuar Kremlinit që ta lirojnë burrin e saj, në mënyrë që ai të trajtohet nga mjekë “që ai u beson”, derisa burgimin e tij e ka konsideruar “hakmarrje personale” të presidentit rus, Vladimir Putin.

Të njëjtën ditë, avokatët e Navalnyt e kanë takuar atë dhe kanë raportuar se ai është në gjendje “jashtëzakonisht të pafavorshme”, për shkak të dhimbjeve në shpinë dhe këmbën e djathtë.

Ndërkohë, Nabila Massrali, zëdhënësja shefit për Politikë të Jashtme në Bashkimin Evropian Josep Borrell, i ka konsideruar “shqetësuese” raportimet për gjendjen shëndetësore të Navalnyt.

“Autoritetet ruse duhet t’i japin Navalnyt qasje në kujdes shëndetësor dhe t’iu japin qasje avokatëve ta takojnë atë”, ka thënë Massrali, duke shtuar se BE-ja vazhdon të bëjë thirrje për lirimin e tij të menjëhershëm dhe pa kushte.

Navalny është ndalur në aeroportin e Moskës në muajin janar, pak pasi ka arritur atje nga Berlini, ku është shëruar nga çka laboratorët perëndimorë e kanë konsideruar agjent nervor të kategorisë Noviçok.

Ai është sëmurë në gusht të vitit 2020.

Navalny ka thënë se tentimi për vrasjen e tij është urdhëruar nga presidenti rus Vladimir Putin, pretendon që kundërshton Kremlini.

Një gjykatë në Moskë ka dënuar atë në muajin shkurt, duke thënë se në kohën sa ka qenë duke u shëruar në Gjermani, Navalny ka shkelur rregullat e një dënimi me kusht, që lidhet me përvetësim.

Përkrahësit e Navalnyt besojnë se padia ndaj tij është e motivuar politikisht.

Atij i është shqiptuar dënimi me burg prej 2 vjetësh e gjysmë.

Kalendari

Ngjarjet e datës 27 Shtator 2021

- Kryeministri i Republikës së Kosovës, Albin Kurti pret me ceremoni shtetërore Kryeministrin e Republikës së Shqipërisë, Edi Rama, dhe anëtarë të kabinetit qeveritar të Shqipërisë. (Sheshi "Skënderbeu", ora 8:50 - Mediet të jenë të pranishme më së largu, ora 8:10)

- Me rastin e fillimit të vitit të ri shkollor 2021-22 kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në përurimin e rekuizitave të sallës së edukatës fizike në shkollën "Dëshmorët e Kabashit" në Korishë. (Korishë, ora 9:00)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në zbulimin e emrit të ri të shkollës "Lekë Dukagjini" në "Gani Saramati". (Objekti i shkollës, ora 9:30)

- Kryeministri i Republikës së Kosovës, Albin Kurti dhe Kryeministri i Republikës së Shqipërisë, Edi Rama, mbajnë konferencë për media në ora 10:20 - Mediat e akredituara duhet të jenë më së largu në ora 10:00)

- Komisioni për Ekonomi, Industri, Ndërmarrësi dhe Tregti mban dëgjim publik lidhur me projektligjin për identifikimin elektronik dhe shërbimet e besuara në transaksionet elektronike. (Ndërtesa e Kuvendit, salla N506, ora 10:00)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në zbulimin e emrit të ri të shkollës "Abdyl Frashëri" në "Rexhep Hyseni". (Objekti i shkollës, ora 10:15)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në përurimin e rekuizitave të sallës së edukatës fizike në shkollën "Dëshmorët e Zhurit" në Zhur. (Zhur, ora 11:15)

- Komisioni Qendror i Zgjedhjeve mban mbledhjen e radhës . (Ndërtesa e KQZ-së, ora 11:30) 

- Konstituohet Komisioni Ad hoc për përzgjedhjen e kandidatëve për anëtarë të Bordit të RTK-së. (Ndërtesa e Kuvendit, salla N10, ora 12:00)

- Kuvendi i Sociologjisë në kuadër të Departamentit të Sociologjisë në Universitetin e Prishtinës organizon promovimin e librit të Gëzim Selacit, "Legjitimiteti politik në Kosovë". (Biblioteka Kombëtare e Kosovës, ora 12:00)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në përurimin e rekuizitave ndërtimit të shkollës së re “Zef Lush Marku” në Velezhë. (Velezhë, ora 12:00)

- Drejtoresha e Drejtorisë së Turizmit dhe Zhvillimit Ekonomik në Komunën e Prizrenit, Sevil Liman Kazaz do të bëjë prezantimin e raportit të punës 4 vjeçar të kësaj drejtorie. (Salla e mbledhjeve të Kuvendit Komunal, ora 14:00)