28 Mars 2024

Kurti e Vuçiç në takim joformal sot në Berlin

Berlin, 4 maj - Kryeministri i Kosovës, Albin Kurti dhe presidenti i Serbisë, Aleksandër Vuçiç, pritet të zhvillojnë sot një takim joformal në Berlin, që do të ishte takimi i parë i tyre pas korrikut të vitit të kaluar.

Të dy udhëheqësit do të qëndrojnë në Berlin për takime të ndara me kancelarin gjerman Olaf Scholz.

Kancelari gjerman, Olaf Scholz, ka ftuar presidentin Vuçiç dhe kryeministrin Kurti në vizita të posaçme bilaterale për sot në Berlin.

Me ftesë të kancelarit Scholz, edhe i dërguari i posaçëm, Mirosllav Lajçak, do të jetë në Berlin për t’u takuar së pari me kancelarin, e pastaj edhe në një takim joformal me presidentin Vuçiç dhe kryeministrin Kurti”

“Takimet do të përqendrohen në bashkërendimin e reagimeve të mëtejshme ndaj agresionit të Rusisë në Ukrainë, marrëdhënieve politike dhe ekonomike si dhe bashkëpunimit rajonal”, shkroi ambasadori gjerman në Prishtinë, Jörn Rohde.

Takimet tha ai, do të shërbejnë gjithashtu për të mbështetur bisedimet Kosovë-Serbi të udhëhequra nga Bashkimi Evropian, duke nënvizuar se kancelari Scholz ka ftuar të dërguarin e BE-së për bisedimet Kosovë – Serbi, Miroslav Lajçak, i cili do të jetë mikpritësi i takimit të përbashkët me kryeministrin Kurti dhe presidentin Vuçin në mbrëmje në Berlin.

Zyrtarë të BE-së e konfirmuan takimin por pa dhënë ndonjë hollësi rreth planeve të ndërmjetësuesit Lajçak.

Presidenti serb, Aleksandër Vuçiç, tha se “ka frikë” nga vizita në Berlin dhe pret “bisedime të vështira” me kancelarin Scholz, ndërsa nuk pret ndonjë përparim në takimin e me kryeministrin e Kosovës.

Bashkimi Evropian është vënë në përpjekje për të siguruar një takim të nivelit të lartë politik ndërmjet Kosovës dhe Serbisë dhe nga takimi i së mërkurës pret shtendosje që do të ndihmonte ripërtëritjen e procesit të normalizimit të marrëdhënieve ndërmjet palëve.




Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)