24 Shtator 2021

Kurti e Harris diskutuan për bashkëpunimin e komunitetit shqiptar dhe hebraik

Athinë, 9 korrik - Gjatë qëndrimit të tij në Greqi, Kryeministri i Republikës së Kosovës, Albin Kurti u takua edhe me Kryeshefin Ekzekutiv të Komitetit Amerikano-Hebraik, David Harris.

Bashkë diskutuan mbi mundësitë e bashkëpunimit të komunitetit shqiptar dhe hebraik në botë, e sidomos në Shtetet e Bashkuara të Amerikës, dhe për mënyrat dhe praktikat e mira të organizimit të mërgatës në tërheqjen e investimeve nga jashtë.

Kryeministri Kurti foli për vendimet dhe planet e qeverisë për përfshirjen sa më të madhe të mërgatës në zhvillimin ekonomik dhe krijimin e vendeve të reja të punës.

Ai tha se brenda 100 ditëve të qeverisë tashmë janë marrë disa vendime shumë të rëndësishme në këtë drejtim, sikurse ai për fillimin e emetimit të bonove të diasporës dhe miratimit të projektligjit për Gjykatën Komerciale.

Që të dy këto vendime në shërbim të nxitjes së investimeve të bashkatdhetarëve në vend.

Në muajin e kaluar, kryeministri Kurti kishte pritur në zyrën e tij Drejtoren e Komitetit Amerikano-Hebraik në Jerusalem, znj. Avital Leibovich, me të cilën po ashtu kishte folur për rolin e mërgatës.

Ajo kishte premtuar angazhim për të lobuar në kompani të ndryshme izraelite që të mund të orientojnë investimet e tyre në Kosovë.

 

Kalendari

Ngjarjet e datës 25 Shtator 2021

- Federata e Pingpongut organizon 3 xhirot e radhës në ligën e juniorëve dhe 1 xhiro në ligen e junioreve ku do te mbahet ndeshja ndërmjet ‘Ahmet Hoxha MK’ vs ‘Lidhja e Prizrenit’. (SHMU Tefik Çanga në Ferizaj, ora 10:00)

- Kryetari i Komunës dhe njëherësh kandidati për kryetar të Komunës nga Lëvizja Vetëvendosje! në Prizren, Mytaher Haskuka, do të vizitojë fshatin Nashec. (Oborri i shkollës së fshatit Nashec, ora 18:00)