29 Mars 2024

Kosova, vendi i parë me shumicë myslimane që do të hapë ambasadë në Jerusalem

Telaviv, 5 shtator - Kryeministri i Izraelit, Binyamin Netanyahu tha se Kosova, që ka marrë vendim për të normalizuar marrëdhëniet me vendin e tij, do të hapë ambasadë në Jerusalem.

Në deklaratën me shkrim të bërë nga Zyra për Media e Kryeministrisë, bëhet e ditur se Presidenti i Shteteve të Bashkuara të Amerikës, Donald Trump gjatë takimit me Kryeministrin e Kosovës, Avdullah Hoti dhe Presidentin e Serbisë, Aleksandar Vuçiç në Shtëpinë e Bardhë, i telefonoi Kryeministrit të Izraelit, Binyamin Netanyahu dhe e përgëzoi për normalizimin e marrëdhëniet ndërmjet Kosovës dhe Izraelit.

Në deklaratë bëhet e ditur se në bisedë Kryeministri Hoti deklaroi se Kosova do të hapë ambasadë në Jerusalem dhe Netanyahu u shpreh me fjalët: “Kosova do të jetë vendi i parë me shumicë myslimane që do të hapë ambasadë në Jerusalem. Ashtu siç thashë edhe më përpara, rrethi i paqes dhe njohja e Izraelit po zgjerohet, pritet që të përfshihen edhe vende të tjera.

Edhe Presidenti Trump kishte deklaruar normalizimin e marrëdhëniet ndërmjet Kosovës dhe Izraelit.  

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)