05 Tetor 2022

Komisioni Evropian miratoi heqjen e vizave për Shqipërinë

Bruksel, 27 maj - Pas përfundimit të sukesshëm të procesit të liberalizimit të vizave me Serbinë, Malin e Zi dhe ish-Republikën Jugosllave të Maqedonisë, sot Komisioni Evropian shpalli propozimin për udhëtim pa vizë për Shqipërinë dhe Bosnje e Hercegovinën.

Komisioni Evropian ka miratuar heqjen e regjimit të vizave për Shqipërinë dhe Bosnje-Hercogovinën. Lajmi i mirë për të gjithë shtetasit shqiptarë është dhënë sot në mesditë nga Komisionerja për Çështjet e Drejtësisë në KE, Sesilia Malmstrom.

"Jam shumë e lumtur që KE-ja miratoi rekomandimin për heqjen e vizave për Shqipërinë dhe Bosnjen. Tani i takon Parlamentit Evropian dhe Këshillit të Europës të marrin vendimin final", tha Malstrom në konferencën e posaçme për shtyp.

Ajo tha se Shqipëria duhet të bëjë një fushatë informuese për atë që ofron liberalizimin e vizave.

Kryeministri Sali Berisha përshëndeti vendimin për heqjen e vizave dhe garanton se tre cështjet e lëna në ngarkim të autoriteteve shqiptare po trajtohen me seriozitet nga qeveria.

Berisha theksoi se ky vendim përbën arritjen më të madhe historike dhe shënon një premtim të mbajtur nga qeveria shqiptare.

Gjate fjalës së tij kryeministri u shpreh i bindur në luftën kundër krimit të organizuar, ndërsa theksoi se do të ketë shkatërrim ekonomik për mafian.

Ndërkaq, pas këtij vendimi, ambasadori i Komisionit Evropian në Tiranë, Lohan, përshëndeti këtë vendim dhe shtoi se liberalizimi i vizave tashmë është në duart e Shqipërisë, e cila duhet të impenjohet për të plotësuar kërkesat që kanë mbetur pa u përmbushur.

“KE sot ka lëshuar propozimin e vet për udhëtimin pa viza dhe këtë e ka bërë në bazë të standardeve të qarta. I është mbajtur fjalëve të veta dhe e ka bërë brenda kohës së thënë. Tashmë çdo gjë është në dorën e Shqipërisë për të plotësuar kërkesat që kanë mbetur pa u plotesuar” u shpreh ambasadori Lohan gjatë një konference për shtyp në Tiranë.

I pyetur disa herë në lidhje situatën politike në vend dhe negociatat e delegacionit të BE të mbërritur ditën e djeshme në Tiranë, Lohan nuk pranoi të jepte asnjë koment.

“Nuk kam kurrfarë komenti për të bërë për krizën. Liberalizimi i vizave është një moment tepër i rëndësishëm për shtetin shqiptar dhe nuk kam asnjë koment tejetër për të bërë”, u shpreh Lohan.

Me këtë rast edhe shefi i Zyrës Ndërlidhëse të KE-së në Kosovë, Renzo Daviddi tha: “Kjo shpallje është shenjë e qartë se i tërë rajoni po ecën drejt Evropës. Po ashtu është një shenjë pozitive për Kosovën, duke treguar se shpërblimet jipen në bazë të përpjekjeve të vërteta. Liberalizimi i vizave është një proces i cili merr kohë, por rasti i Shqipërisë dhe Bosnje Hercegovinës tregojnë se edhe Kosova mund të bëjë progres sapo t’i plotësoj kushtet e nevojshme.”

Komisionerët Fuele dhe Malmstrom kanë rikonfirmuar kohëve të fundit se Komisioni Evropian është i përkushtuar të fillojë dialogun për viza me Kosovën sa më shpejt që të jetë e mundur me kusht që të zbatohen reformat relevante.

Para se të mund të fillojë dialogu për vizat dhe të mund të hartohet një strategji për viza, Kosova duhet ta miratojë legjislacionin e saj për ripranim të shtetasve, ta konsolidojë kapacitetin e saj administrativ për të shqyrtuar kërkesa për ripranim dhe të zbatojë një strategji efikase të reintegrimit.

 Komisioni tashmë ka dërguar dy misione ekspertësh për ta vlerësuar situatën; një mision i tretë do të nisë punën së shpejti. Rezultatet e këtyre misioneve do të përcaktojë nisjen e dialogut për vizat.

Kalendari

Ngjarjet e datës 5 tetor 2022

- Komisioni për Buxhet, Punë dhe Transfere shqyrton Projektligjin për ratifikimin e Marrëveshjes së Financimit në mes të Republikës së Kosovës përfaqësuar nga Ministria e Financave, Punës dhe Transfereve dhe Asociacionit Ndërkombëtar për Zhvillim për “Projektin e Reformës së Sistemit të Ndihmës Sociale në Kosovë”. (Ndërtesa e Kuvendit, salla C203, ora 10:00)

- Shefi i futbollit në UEFA, Zvonimir Boban takohet me Ministrin e Kulturës, Rinisë dhe Sportit Hajrulla Çeku. (Ndërtesa e Ministrisë, ora 10:00)

- Avokati i Popullit organizon dëgjim publik përkitazi me hetimin e përgjithshëm për shëndetin riprodhues në Gjilan. (Salla e Kuvendit të Komunës së Gjilanit, ora 10:00)

- Shefi i futbollit në UEFA, Zvonimir Boban takohet me kryetarin e Komunës së Prishtinës Përparim Rama. (Ndërtesa e Komunës, ora 10:45)

- Aleanca Kosovare e Bizneseve pret sekretaren e ambasadës së Malit të Zi, Fedisa Dacić ku edhe do të mbahet konferenca për media lidhur me Forumin Ekonomik Ndërkombëtar Ulqini. (Objekti i AKB-së, ora 11:00)

- Shefi i futbollit në UEFA, Zvonimir Boban takohet me Komitetin Ekzekutiv të Federatës së Futbollit të Kosovës. (Selia e FFK-së, ora 11:30)

- Komisioni për Shëndetësi dhe Mirëqenie Sociale shqyrton në parim Projektligjin për faljen e masave ndëshkimore të vendosura gjatë periudhës së Pandemisë COVID-19. (Ndërtesa e Kuvendit, salla N10, ora 11:30)

- Agjencia Kosovare e Privatizimit organizon ceremoninë e hapjes së ofertave të shitjeve të aseteve përmes likuidimit nr. SHAL 59. (Hotel Grand, ora 12:30)

- Zëvendëskryeministri i parë për Integrim Evropian, Zhvillim dhe Dialog, Besnik Bislimi raporton para Komisionit për Integrime Evropiane. (Ndërtesa e Kuvendit, salla N302, ora 13:00)

- Komuna e Gjilanit organizon mbledhje komemorative për të nderuar jetën dhe veprën e prof. dr. Shqiponja Isufit. (Salla e teatrit të qytetit të Gjilanit, ora 13:00)

-  Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike bën zgjedhjen e eksperteve. (Ndërtesa e Kuvendit, salla C203, ora 14:00)

- Shefi i futbollit në UEFA, Zvonimir Boban mban konferencë për media. (Stadiumi “Fadil Vokrri”, ora 15:00)

- Zhvillohet ndeshja Kosovë - Itali në kuadër të Kualifikimeve e Evropianit U17. (Stadiumi “Fadil Vokrri”, ora 16:00)