09 Dhjetor 2021

Kina lejon familjet të kenë tre fëmijë

Pekin, 1 qershor - Kina njoftoi se çiftet e martuara mund të kenë deri në tre fëmijë. Ky është një ndryshim i madh nga politika e mëparshme që u lejonte çifteve deri në dy fëmijë, gjë që rezultoi në një rënie dramatike të lindjeve, në vendin më të populluar në botë, sipas një raporti nga Byroja Kombëtare e Statistikave.

Agjencia lajmeve “Xinhua” njoftoi se ndryshimi u miratua gjatë një takimi të byrosë politike të kryesuar nga Presidenti Xi Jinping. Për disa dekada, Kina lejonte që çiftet të kishin vetëm një fëmijë si mjet për të kontrolluar rritjen e popullsisë.

Ky vendim u hoq në vitin 2016, duke i lejuar çiftet të kishin dy fëmijë, por edhe ky vendim nuk solli rritje të qëndrueshme të lindjeve, pjesërisht pasi kostoja e lartë për rritjen e fëmijëve në qytetet kineze ishte pengesë për shumë çifte.

Sipas agjencisë së lajmeve “Xinhua” ky ndryshim do të shoqërohet me “masa mbështetëse, të cilat do të jenë të favorshme për përmirësimin e strukturës së popullsisë së vendit tonë, përmbushjen e strategjisë së vendit për të përballuar në mënyrë aktive një plakje të popullsisë”. Por masat mbështetëse për familjet ende nuk janë bërë të ditura.

Njoftimi solli reagime të shumta në rrjetet sociale kineze, ku shumë njerëz shkruanin se nuk kishin mundësi të rrisnin më shumë se një fëmijë.

“Jam i gatshëm të bëj tre fëmijë nëse më jepni 5 milion juanë”, shkruante një përdorues në rrjetin social “Weibo”.

Në fillim të këtij muaji, Byroja Kombëtare e Statistikave publikoi një raport ku theksohej se gjatë një dekade popullsia në Kinë u rrit me ritmin më të ngadaltë që nga vitet 1950, duke arritur në 1.41 miliardë.

Të dhënat gjithashtu treguan se gjatë vitit 2020, ritmet e lindjeve ishte vetëm 1.3 fëmijë për grua të moshës së riprodhimit, niveli i njëjtë me shoqëritë të cilësuara të plakura si Japonia dhe Italia.

Gjithashtu të hënën, byroja politike e Kinës tha se do të rrisë moshën e daljes në pension, por nuk dha hollësi të mëtejshme. 

Kalendari

Ngjarjet e datës 9 dhjetor 2021

- Shoqata e Bankave të Kosovës organizon hapjen e “Konventës Vjetore bankare të SHBK-së 2021”. (Swiss Diamond, ora 9:30)

- Lëvizja FOL organizon konferencë për media me ç’rast do të bëjë publikimin e gjetjeve nga hulumtimi “Perceptimet e sektorit privat rreth prokurimit publik”. (Zyrat e Lëvizjes FOL, ora 10:00)

- Universiteti i Prishtinës “Hasan Prishtina” dhe Kolegji IBC-M organizojnë tryezën e diskutimit për prezantimin e Raportit të Vlerësimit të Kartelës Matëse të Autonomisë Universitare. (Amfiteatri i Bibliotekës Qendrore Universitare, kampusi i UP-së, ora 10:00)

- Mbahet seanca e 2-të e rregullt të Kuvendit të Komunës së Mitrovicës në të cilën do të zgjedhet kryesuesi i Kuvendit të Komunës. (Salla e Kuvendit të Komunës, ora 10:00)

- Kryetari i Gjilanit, Lutfi Haziri i dorëzon detyrën kryetarit të ri, Alban Hyseni. (Zyra e Kryetarit, ora 11:00)

- Rrjeti Mesdhetar i Grave Ndërmjetësuese së bashku me OJQ-në She Solutions mban konferencën "Gratë në sektorin e sigurisë: ndërmjet sfidave dhe mundësive". (Zyra e BE për informim, ora 11:00)

- Instituti Demokratik i Kosovës / Transparency International Kosova organizojnë ekspozitën për fotografinë më të mirë kundër-korrupsion 2021, ku do të shpallen tre fituesit e kësaj gare. (Parku Arkeologjik ‘Lapidariumi’ përballë Muzeut Kombëtar të Kosovës, ora 11:00)

- OJQ AKTIV bën prezantimin e aplikacionit Aber online për celularë Android dhe iOS. (Hotel Ulpiana në Graçanicë, ora 11:00)

- Instituti D4D organizon tryezën diskutuese me temën “Fushata zgjedhore në llupë: A e kërcënojnë integritetin zgjedhor çrregullimet e informacionit?”. (Hotel Prishtina, ora 14:00)