30 Janar 2023

Jovanovic: Beogradi të tërheqë rezolutën në OKB

Beograd, 10  gusht - Për pos liderëve nacionalist, në Serbi ka edhe nga ata politikanë që mendojnë ndryshe për sa i përket çështjes së Kosovës.

Për liderin e Partisë Liberal Demokrate të Serbisë, Beogradi zyrtar duhet të tërheqë rezolutën nga OKB-ja për Kosovën dhe duhet të ulet në një tryezë me politikanët serbë për hartimin e një rezolute të re, sipas të cilës të kërkohet zgjidhja e problemeve të serbëve në Kosovë.

Lideri i LPD-së, Cedomir Jovanovic, tha se Serbia duhet të ndryshojë qasjen politike ndaj Kosovës dhe për këtë është e domosdoshme që së pari të tërhiqet rezoluta të cilën Beogradi e ka proceduar në Asamblenë e Përgjithshme të Kombeve të Bashkuara për shqyrtim në sesionin vjeshtor.

Ai tha se rezoluta duhet shkruar ndryshe, së pari duhet marrë pajtimin e partive parlamentare në Serbi, pastaj mbështetjen e Bashkimit Evropian dhe të ketë si qëllim zgjidhjen e problemeve të përditshme të serbëve që jetojnë në Kosovë.

“Serbisë i duhet një politikë e re, që do të thotë angazhim maksimal në reformimin e politikës ekonomike, modernizimin e administratës dhe integrimin e shpejtë në Bashkimin Evropian dhe NATO”, njofton Telegraf.
Deklarata e ministrit serb të Punëve të Jashtme, Vuk Jeremic, se bindja e shteteve për të përkrahur rezolutën serbe në Asamblenë e Përgjithshme të Kombeve të Bashkuara është mision pothuajse i pamundur, sipas liderit të LPD-së, është alibi e tij për politikën e gabuar.

“Prej fillimit ëhstë ditur se rruga që po ndjekë Serbia është rrugë e humbjes, patriotizëm i rremë dhe demagogji. Ndërsa ne kërkojmë të ndiqet rruga e dialogut me Shtetet e Bashkuara dhe Bashkimin Evropian me qëllim të përmirësimit të jetës së serbëve në Kosovë”.
 

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)